1 SAMUEL 19:10 - BIBEL JAMITA NA DENGGAN

¹⁰ Giot dipantomkon si Saul ma si Daud tu dingding i dohot tombakna i. Tapi marhusor ma si Daud, gabe pantik ma tombak i tu dingding i. Marlojong ma si Daud palua dirina.

1 SAMUEL 19:10 Referans Kwoze

1 SAMUEL 20:33

Umbege i, didanggurkon si Saul ma tombaknia tu si Jonatan laho mamunusa. Jadi diboto si Jonatan ma torang na marsitutu amangnia i laho mamunu si Daud.

1 SAMUEL 18:11

“Hupantikkon ma si Daud on tu dinding i!” ning rohania, lalu dipantomkon ia tombak i jabat dua noli tu si Daud, tapi sai tarciletkon si Daud antong.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

JOHANNES 10:39

Giot ditangkup halahi ma Ia tapi malua do Ia sian tangan ni halahi.

LUKAS 4:30

Hape kehe ma Ia mamolus sian tonga-tonga ni halak na bahat i.

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

MASMUR 124:7

Songon unggas na malua sian sambil ni parburu, magotap sambil i, gabe malua hita!

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 18:17

Ia palua au sian musu na gogo, sian sude na manghagigihon au na mambaen au nada margogo.

1 SAMUEL 19:6

Gabe torang ma roha ni si Saul hara ni hata ni si Jonatan i, jana marsumpa ma ia mangasahon goar ni Tuhan bahaso na so bunuonnia be si Daud.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

1 SAMUEL 18:10

Ancogotna, di bagasna do topet si Saul maniop tombakna jana si Daud marhasapi songon na somal. Ompot ma susur tu si Saul tondi na jahat na nisuru ni Debata, gabe mangamuk ma ia songon halak na rintik.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.