1 SAMUEL 18:3 - BIBEL JAMITA NA DENGGAN

³ Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 18:3 Referans Kwoze

1 SAMUEL 20:42

Dung i didok si Jonatan ma tu si Daud, “Sai didongani Debata ma ho. Jagohonon ni Tuhan do anso togu hita maniop janjinta na dua dohot pomparanta di adopan ni Debata.” Dung salpu i, kehe ma si Daud, jana si Jonatan pe mulak ma tu kota.

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.

1 SAMUEL 23:18

Dung i mamudun janji parale-aleon ma si Daud dohot si Jonatan di adopan ni Tuhan. Dung salpu i mulak ma si Jonatan tu bagasnia, tapi anggo si Daud laing tinggal do di Hores.

1 SAMUEL 20:41

Dung kehe dakdanak i, ruar ma si Daud sian balik ni batu na martimbun i, lalu manungkap ma ia tolu noli. Tangis ma ia, songon i muse dohot si Jonatan di na marsiummaan halahi. Gumodang dope arsak ni si Daud ulang pado si Jonatan.

1 SAMUEL 22:8

I ma he dalanna umbaen na marpokat hamu mangalo au jana umpe adong sahalak na paboahon tu au bahaso na marpihak tu si Daud anakku sandiri? Sahalak pe nada adong sian hamu na gamang salaho tu diringku sanga na paboahon tu au na painte hatihana si Daud paranganku sandiri laho mamunu au, jana na dung dilehen si Jonatan anakki soso-soso tusia!”

1 SAMUEL 19:1

Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,

PODA 18:24

Adong do dongan na so setia, adong muse do na rumosu sian kahangginiba.