1 SAMUEL 16:11 - BIBEL JAMITA NA DENGGAN

¹¹ Dung i marsapa si Samuel tusia, “On dehe sude anakmi?” Dialusi si Isai ma, “Adong dope tinggal sianggian i, tapi topet do marmahan biri-biri ia saonnari.” Didok si Samuel ma, “Suru ma mamiohon ia, angke nada haulkononta dope haul i painte so ro ia.”

1 SAMUEL 16:11 Referans Kwoze

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 JUJUR TAON 17:7

“Hara ni i Natan, paboa ma tu si Daud naposongKi, Au do Tuhan Pargogo na so Hatudosan mandok, ‘Na dung Hubuat do ho sian parkarejoanmu na marmahan biri-biri di padang jana Hubaen ho gabe raja di bangsongKu Israel.

2 SAMUEL 13:3

Adong do dongan ni si Amnon na malo situtu marakal, goarna si Jonadab, anak ni si Simea angkang ni si Daud.

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”

1 SAMUEL 16:10

Songon i ma margonti-gonti disuru si Isai anaknia na pitu i mangadop tu si Samuel, tapi didok si Samuel ma tusia, “Nada halahi na nipili ni Tuhan.”

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.