1 SAMUEL 16:1 - BIBEL JAMITA NA DENGGAN

¹ Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 16:1 Referans Kwoze

2 RAJA-RAJA 9:1

Di hatiha i, dipiohon si Elisa ma sahalak sian angka panurirang na poso jana didok ia ma, “Markobas ma ho kehe tu Ramot na di Gilead. Oban ma botol na marisi miak zetun on,

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”

1 SAMUEL 15:35

Lopus tu ujung ni ngolunia nada jungada be diida si Samuel raja i. Tapi marsak do si Samuel hara ni na manyosal i Tuhan mambaen si Saul gabe raja.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

1 SAMUEL 16:15

Jadi gabe didok angka hatobannia ma tusia, “Hami boto do, tondi na jahat do na nisuru ni Tuhan mamparkanciti raja i.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 15:26

Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.

JEREMIA 6:30

Goaron noma halahi perak na so hasaya angke Au Tuhan, madung manulakkon halahi.

2 RAJA-RAJA 9:6

Dung i kehe ma halahi na dua masuk tu bagasan bagas, jana diusehon panurirang na poso i ma miak zetun i tu ulu ni si Jehu lalu didok ia ma, “Pandok ni Tuhan Debata ni halak Israel, ‘Huangkat ma ho gabe raja di ginjang ni bangsongKu Israel.

1 SAMUEL 16:23

Mamungka sian i, ganop susur tondi na jahat i tu si Saul, dibuat si Daud ma hasapinia jana dipiltik ia ma i. Gabe sumonang ma pangkilalaannia jana togar mangulahi, dibaen madung ditadingkon tondi na jahat i ia.

JEREMIA 7:16

Didok Tuhan, “Ale Jeremia, ulang tangiangkon angka jolma on. Ulang mangido tolong sanga ditangiangkon ho salaho tu halahi: Ulang sosak-sosak Au angke nada ra Au manangihon pangidoanmi.

JESAYA 55:4

Hubaen ia gabe pamimpin dohot panglima, saksi ni kuasongKu maradopkon angka bangso.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

2 RAJA-RAJA 9:3

Usehon ma miak on tu ulunia jana dokkon ma hatana songon on, ‘Pandok ni Tuhan, diangkat Ia do ho gabe raja ni Israel.’ Disi sidung i, manigor kehe ma ho sian inganan i.”

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 11:14

Jadi hara ni i ale Jeremia, ulang tangiangkon halahi sanga mangido tolong tu Au salaho tu halahi! Muda susa halahi jana mangido tolong tu Au, nada tangihononKu be halahi.”

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

IBRANI 11:32

Antong, dia dope dokkononku? Tarpaboa au do sudena i tapi nada tuk hatiha di au. Na so hupaboa dope si Gidion, si Barak, si Simson, si Jefta, si Daud, si Samuel dohot angka panurirang i.

1 JUJUR TAON 11:3

Dibaen si Daud ma parjanjian dohot halahi di Hebron. Jadi diangkat halahi ma ia gabe raja ni Israel laing songon na nijanjihon ni Tuhan marhite sian si Samuel.

1 JUJUR TAON 28:4

Madung ditodo Tuhan Debata na nisomba ni Israel au dohot pomparanku mamarenta di Israel sapanjangna. Ditodo Ia do Marga Juda anso maruli sada pamimpin, sian tonga-tonga ni Marga Juda i ditodo Tuhan ma isi ni bagas ni damang. Jana sian sude isi ni bagas ni damang, tumbuk do rohaNia manodo au jana mambaen gabe raja di ginjang ni sude Israel.

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

1 SAMUEL 17:12

Anggo si Daud, anak ni si Isai halak Efrata sian Betlehem na di Juda do. Adong do salapan anak ni si Isai jana dompak di zaman ni si Saul mamarenta, anggo si Isai madung matobang situtu.