1 SAMUEL 15:23 - BIBEL JAMITA NA DENGGAN

²³ Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”

1 SAMUEL 15:23 Referans Kwoze

JEREMIA 28:16

Hara ni i pandok ni Tuhan sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu Tuhan.”

1 SAMUEL 13:14

Hape anggo saonnari nada martahan raja i mamarenta. Dibaen nada diihutkon raja i parenta ni Tuhan, gabe dipili Tuhan ma halak giot ni rohaNa sibaenon raja di bangsoNia.”

HAMALIMON 20:6

Muda kehe sahalak mangido partolongan tu halak na mambaen pardomuan dohot angka tondi ni na mate angkon aloonKu do i jana nada etongonKu be ia halakKu.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

MASMUR 107:11

angke mangalo halahi tu Debata, jana nada parduli di parenta ni Na Gumincat i.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

HARURUAR 22:18

Ganop dadaboru na mambaen aji angkon bunuon.

PAMUNGKAAN 31:34

Jadi di hatiha i ma dipaimbar si Rahel dewa i dipamasuk ia tu bagasan palano ni unto, hape dijuguhi ia muse do palano i. Sude ma dipareso ia bandar ni si Rahel i, hape na so dapotnia do dewa i.

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

JOB 34:37

Tamba muse dope sada nari dosa di hasalaannia; mangalo do ia antong tu Debata, jana dipalayas Ia di jolonta.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

HAMALIMON 20:27

Ganop halaklahi sanga dadaboru na mambaen pardomuan dohot tondi ni angka na mate, angkon dangguran dohot batu lopus mate. Hamamate ni halak na mambaen songon i, hara ni hasalaan ni halahi sandiri do i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JESAYA 8:19

Tapi muda di dokkon halak tu hamu: “Pangido ma piruang tu angka tondi dohot tu angka datu na marhusipi jana mubit-ubit,” alusi ma: “Nada he patut sada bangso mangido piruang tu debatana? Sanga na angkon do mangido piruang tu jolma na dung mate domu tu haporluan ni jolma na mangolu?”

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

PANGARATAION 9:24

Sian dung hutanda hamu, sai matua na mangalo do hamu tu Tuhan.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

1 SAMUEL 28:3

Madung mate di hatiha i si Samuel jana diandungi sude Israel lalu ditanom di Rama, hutania sandiri. Laing di hatiha i muse, madung dipaorot si Saul sian Israel sude pangaramal dohot datu pamio ni sumangot.

2 SAMUEL 7:15

Tapi nada mantak Au manghaholongi ia songon na dung Huantak manghaholongi si Saul. Madung Hubaen songon i maradopkon si Saul, anso ho gabe raja.

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

1 JUJUR TAON 10:13

Marujung do ngolu ni si Saul hara ni na so setia ia tu Tuhan. Nada mangido panogu-noguon ia sian Tuhan, tapi sian angka tondi ni na mate do. Dilanggar ia do angka na niparentahon ni Tuhan. Jadi hara ni i ma umbaen na niuhum ni Tuhan ia jana dipasahat ma harajaannia i tu si Daud anak ni si Isai.

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

JOSUA 22:15

Jadi lalu ma halahi mandapotkon angka halak na sian Marga Ruben, Gad dohot Manase Parhabincaran di tano Gilead.

HOSEA 13:11

Hara ni muruk, Hulehen raja di hamu, jana mardongan rimas Hutarik mangulahi.”