1 SAMUEL 15:18 - BIBEL JAMITA NA DENGGAN

¹⁸ boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.

1 SAMUEL 15:18 Referans Kwoze

PODA 10:29

Halak na jujur dilinggomi Tuhan; halak na mambaen jahat diabiskon.

JOB 31:3

Diparo Ia do parmaraan dohot hasusaan tu halak na mambaen hajahatan.

BILANGAN 16:38

Madung badia barang-barang i hatiha na nipasahat di ginjang langgatan ni Tuhan. Dung i buat ma inganan ni api ni halak na hona uhum hara ni dosa ni halahi i. Angkon topaon barang-barang i gabe nipis-nipis, jana baen ma sian na dung nipis i gabe tutup ni langgatan. Gabe parningotan ma i di bangso Israel.”

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 13:13

Na jahat do halak Sodom jana mardosa maradopkon Tuhan.

PODA 13:21

Sai dikojar hasusaan do halak pardosa, halak na denggan sai manjagit hadengganan.

GALATIA 2:15

Nian halak Jahudi do hami sian hasosorangnami, jana nada sian bangso na asing na indohan “na mardosa i”.

PAMUNGKAAN 14:7

Dung i mulak ma angka na mangkojar i jana mangulahi ma halahi tu Kades (na margoar En Mispat di hatiha i), ditaluhon halahi ma sude tano Amalek bope halak Amori na mangingani Hasason Tamar pe ditaluhon halahi ma.

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”