1 SAMUEL 14:10 - BIBEL JAMITA NA DENGGAN

¹⁰ Tapi muda disuru halahi do hita ro mandapotkon halahi, ro ma hita tusi, angke i ma tandana na dung dipasahat ni Tuhan halahi tu hita.”

1 SAMUEL 14:10 Referans Kwoze

PAMUNGKAAN 24:14

Dokkononku ma hatangku tu sahalak sian halahi, ‘Tolong ma jolo timbahon embermi jana lehen au minum.’ Jadi muda alusanna tu au, ‘Minum ma hamu da, jana angka untomunu i hulehen pe minum!’ ninna, i ma da ibana sugari boru na nitodoMu di naposoMu si Ishak. Muda tulus tarjadi songon i, botoonku ma tangkas, na nitiopMu do janjiMu tu tuanku si Abraham.”

1 SAMUEL 10:7

Muda tulus na songon i, baen ma sanga aha na didok rohamu denggan, angke didongani Debata do ho.

HAKIM-HAKIM 7:11

Begeonmu ma naron sanga aha na nihataan ni musu i, jana i ma na mambaen ho puluk mangaroro.” Jadi kehe ma si Gideon dohot si Pura tu parbatasan ni parbandaran ni musu i.

HAKIM-HAKIM 6:36

Dung i didok si Gideon ma tu Debata, “Tuhan, madung didokkon Ho na ra do Ho mamake au laho paluahon halak Israel.

1 SAMUEL 14:9

Muda disuru halahi hita so jana tapainte lopus ro halahi mandapotkon hita, jadi gabe so ma hita torus di ingananta i, jana nada tulus taripar.

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

2 RAJA-RAJA 20:9

Dialusi si Jesaya ma, “Lehenon ni Tuhan do i di ho tanda paboa na patulusonNia janjiNia. Saonnari aha ma na dipangido roha ni raja i: Halinu ni jom mataniari na nibaen ni Raja Ahas i, maju sampulu langka sanga mundur sampulu langka?”