1 SAMUEL 13:3 - BIBEL JAMITA NA DENGGAN

³ Dung i ditaluhon si Jonatan ma tentara ni Pilistin i di Geba, jana tarbege ma i tu bangso Pilistin. Dung i disuru si Saul ma mamalu sarune di sandok luat laho marpio halak Ibrani anso ro marporang.

1 SAMUEL 13:3 Referans Kwoze

1 SAMUEL 10:5

Dung salpu i angkon kehe do ho tu dolok ni Debata na di Gibea, inganan parbandaran ni halak Pilistin. Di pintu masuk laho tu kota i, marsuo ma ho dohot panurirang sarombongan na manuat sian langgatan na di ginjang dolok i. Manortori do halahi jana marsurak-surak, mamalu gambus, rapano, suling dohot hasapi.

HAKIM-HAKIM 3:27

Disi lalu ia tu partoran Efraim, dipalu ia ma sarune laho marpio halak Israel marporang. Marroan ma halahi jana dipimpin ia ma halahi manuat sian partoran i.

HAKIM-HAKIM 6:34

Tapi si Gideon pe dirajai Tondi Ni Tuhan ma, gabe diombus ia ma sarune laho marpio angka halak na sian Marga Abieser anso ro marlagut dohot ia.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

JESAYA 10:29

Madung disalpui halahi panariparan jana marborngin halahi di Geba! Humitir ma halak Rama jana halak Gibea kota ni Raja Saul madung markehean marsipalua dirina.

2 SAMUEL 23:14

Tinggal di Rura Refaim do halak Pilistin jana deba tentara i sian halahi mangingani Betlehem.

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 SAMUEL 2:28

Dung i diombus si Joab ma sarune na gabe tanda di parangan i anso mantak mangkojar halak Israel. Jadi mantak ma porang i.

1 SAMUEL 13:16

Songon i ma si Saul dohot si Jonatan anaknia i dohot anak bua ni halahi i marbandar di Geba na di Luat Benyamin; tapi anggo halak Pilistin marbandar di Mikmas do.

JOSUA 21:17

Sian tano ni Benyamin, dilehen halahi ma: Gibeon, Geba,

JOSUA 18:24

Kefar Amonai, Ofni, dohot Geba. Adong do dua bolas kota sude rap dohot angka huta-hutana.