1 SAMUEL 12:5 - BIBEL JAMITA NA DENGGAN

⁵ Dung i didok si Samuel ma, “Di ari sadari on, Tuhan ma saksina dohot raja na nipiliNia i bahaso na so hadapotan au marsala saotik pe.” “Olo, Tuhan ma saksina,” ning halahi mangalusi.

1 SAMUEL 12:5 Referans Kwoze

BAENON NI ANGKA RASUL 24:20

Tapi padiar ma halak on sandiri ma pajojorkon betak na hajahatan dia dapot halahi di au di na nipajongjong au di tonga-tonga ni Mahkamah Ugamo.

BAENON NI ANGKA RASUL 23:9

Jadi gabe gaor sajo ma halahi. Adong ma deba guru na sian pihak ni Parise jongjong mangalo marsitutu. Didok halahi ma, “Anggo mangihutkon pandapotnami nada adong sala ni bayo on! Arongku na adong do ro tondi sanga surusuruan mangkatai dohot ia!”

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

1 KORINTUS 4:4

Sanga taringot tu bagi aha pe, nada adong huhilala salangku, tapi inda na mamastihon au paboa na tutu na so adong hasalaanku. Tuhan i sandiri ma manontuhon sanga na marsala au sanga nada.

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

JOHANNES 18:38

Disapai si Latus ma Ia, “Aha dehe arti ni hasintongan?” Dung i marlojong ma si Latus kehe tu ruar mandapotkon halak Jahudi i, didok ia ma tu halahi, “Sada pe nada adong dapot au hasalaanNia.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

JOB 42:7

Dung sidung manghobari tu si Job, mandok hata ma Tuhan tu si Elifas, “Muruk do au tu ho dohot tu donganmu na dua nari i, harana nada didok hamu pangalaho na satutuna i salaho tu diringKu. Hape anggo si Job naposongKi, nada songon i ia.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 12:4

Dialusi angka jolma i ma, “Nada adong, nada jungada ho amang manipu sanga mamparkanciti hami; nada unjung ho amang mambuat sanga aha nampuna ni sanga ise pe.”

PAMUNGKAAN 31:50

Didok si Laban dope, “Muda mambaen jahat ho tu dakdanakku, sanga mangalap boru na asing, haru pe na so huboto, ingot ma na nimataan ni Debata hita.

JOB 16:19

Huboto do anggo pangidoanku di banua ginjang do; saksihononNia ma, anggo au na so mardosa do.