1 SAMUEL 12:22 - BIBEL JAMITA NA DENGGAN

²² Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.

1 SAMUEL 12:22 Referans Kwoze

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

1 RAJA-RAJA 6:13

Maringanan ma Au di bagas na nipauliMi gabe tongtong Au di tonga-tonga ni bangsongKu Israel. Nada tinggalkononKu halahi.”

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

MASMUR 94:14

Angke nada ra Tuhan i mangambungkon bangsoNa, jana nada tadingkononNia nampunaNia sandiri.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

MATEUS 11:26

Olo, Amang, dibaen na songon i do hagiot ni rohaMu.”

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

MALEAKI 1:2

Didok Tuhan ma tu bangsoNia, “Sian najolo do Huhaholongi hamu.” Tapi dialusi halahi do, “Bia ma he dibaen Ho manghaholongi hami?” Dialusi Tuhan ma, “Nada he martinadohon si Esau dohot si Jakob? Huhaholongi do si Jakob dohot pomparanna,

ANDUNG 5:20

Malolottu do antong ditadingkon Ho hami! LupahononMu sapanjangna noma ulaning hami?

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JESAYA 48:11

Hubaen on hara ni Au sandiri do, nada Hupadiar goarKu dipalayas martilako. Indangkan na ra Au mambagi hasangapanKi; nampunangKu do i, Au sandiri do nampuna i.”

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 41:17

Muda manguas bangsongKu na lebak i, manjalahi aek harana hiang aru-aruna i, Au Tuhan, alusanKu do tangiang ni halahi; nada tadingkonon ni Debata ni Israel bangsoNa i.

JESAYA 37:35

Hubela jana Huondingi do kota Jerusalem, hara ni hasangapanKu sandiri dohot hara ni parjanjianKu dohot naposongKu si Daud.’ ”

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

2 RAJA-RAJA 21:14

Angka halak kota i na tinggal dope padiaronKu ma gabe soroon ni angka musuna na giot mamupusi dohot mangarampas luat ni halahi.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

SURAT NI SI PAULUS TU PARLAGUTAN ROM 11:1

Marsapa ma au: Adong he na dung diambungkon Debata bangsoNia i sandiri? Tontu inda! Au sandiri pe halak Israel do, pomparan ni si Abraham jana sian Marga Benyamin.

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

PANGARATAION 31:6

Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

1 RAJA-RAJA 8:57

Sai Tuhan Debata ma donganta songon na dung didongani Ia ompunta, sai ulang ma ditinggalkon Ia hita.

PANGARATAION 31:8

Tuhan sandiri do na giot manogu dohot mandongani ho. Nada pailaon sanga tadingkononNia ho. Antong, ulang ho mabiar sanga hurang togu rohamu.”

2 RAJA-RAJA 14:27

Nada giot agohonon ni Tuhan Israel salolot-lolotna, jadi hara ni i ditolong Tuhan ma halahi marhite Raja Jerobeam II.

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”