1 SAMUEL 12:2 - BIBEL JAMITA NA DENGGAN

² Mamungka saonnari ia noma na mamimpin hamu. Anggo au madung matobang. Madung lolot sajo au mamimpin hamu – sian haposoonku dope lopus saonnari. Angka dakdanakku na dung magodangi i ma tandana.

1 SAMUEL 12:2 Referans Kwoze

1 SAMUEL 8:5

jana didok halahi ma tusia, “Tangihon ma amang, ma matobang ho jana angka dakdanakmu nada diihutkon halahi pangalahomu. Jadi dumenggan ma angkat sada halak raja anso adong rajanami songon angka bangso na asing i.”

1 SAMUEL 8:20

Por rohanami sarupa dohot angka bangso na asing i, angkon rajanami do mamarenta hami dohot mamimpin hami di parporangan.”

1 SAMUEL 8:1

Dung matobang si Samuel, diangkat ia ma angka dakdanaknia gabe hakim di Israel.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.

BILANGAN 27:17

Sada halak na tarbaen gabe panglima muda masa porang. Ulang ma padiar bangsomon songon habanan ni biri-biri na so marparmahan.”

2 PETRUS 1:14

Angke huboto do, nada pola honok be marujung ma ngolungku, harana madung tangkas dipaboa Tuhanta Jesus Kristus tu au.

2 TIMOTEUS 4:6

Anggo taringot tu au, madung dapot hatihana mate au songon haul tu Debata. Santongkin nari tadingkononku ma portibi on.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

1 SAMUEL 3:16

tapi dipiohon si Eli ma ia, didok ma, “Anakku, Samuel.” Dialusi si Samuel, “Olo, amang.”

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

1 SAMUEL 2:29

Antong, biasi dope laing maradu songkal ho mida angka haul na dihaulkon ni bangsongKi tu Au? Eli, biasi sumangap dibaen ho angka anakmi ulang pado Au, jana dipadiar ho pamokmok dirina halahi marhite bagian na dumenggan sian sandok na nihaulkon ni bangsongKu tu Au?

1 SAMUEL 2:22

Madung matobang situtu si Eli. Sai torus do marpupu dibege ia barita taringot tu pangalaho ni dakdanaknia i maradopkon halak Israel. Diboto si Eli muse do na modom angka anaknia i dohot angka dadaboru na markobas di jolo ni pintu ni Bandar Parmianan Ni Tuhan i.

1 SAMUEL 3:10

Dung i ro ma Tuhan jana jongjong di inganan i mamiohon mangulahi, “Samuel, Samuel!” Jana dialusi si Samuel ma, “Mangkuling ma Ho ale Tuhan, manangi-nangi do naposoMon.”

JOSUA 23:1

Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu.

JOSUA 23:2

Jadi gabe dipio ia ma sude halak Israel, rap dohot angka hatobangon, angka pamimpin, angka panguhum, dohot angka panglima, lalu didok ia ma, “Madung matobang situtu au saonnari.