1 SAMUEL 12:14 - BIBEL JAMITA NA DENGGAN

¹⁴ Martua ma hamu muda dipasangap hamu Tuhan i jana mangoloi hamu tuSia bope ditangihon jana dioloi hamu parentaNia, lumobi muda hot hamu dohot rajamunu i mangihut di Tuhan Debatamunu i.

1 SAMUEL 12:14 Referans Kwoze

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

ANDUNG 1:18

Tapi tigor do anggo Tuhan, angke parentaNia do antong na nilaosan. Tangihon ma au, ale angka bangso! Ligi ma au di bagasan pardangolan on. Hona tangkup na poso dohot nauli bulungku, jana dioban tu habuangan.

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

MASMUR 105:28

Dipamasa Tuhan di luat i golap marimpot-impot, hape dialo bangso Mesir do parentaNia.