1 SAMUEL 12:10 - BIBEL JAMITA NA DENGGAN

¹⁰ dung i martangiang ma halahi tu Tuhan lalu mangoku, ‘Madung mardosa hami hara ni na marbalik sian Ho, ale Tuhan, jana hami somba angka patung ni Debata Baal dohot Astoret. Tapi saonnari, palua ma hami sian musunami, gabe mangoloi tu Ho ma hami!’ ”

1 SAMUEL 12:10 Referans Kwoze

HAKIM-HAKIM 10:10

Jadi pio-pio ma halak Israel tu Tuhan, ninna halahi ma, “Madung mardosa hami maradopkon Ho, hara ni na so hami antureskon Ho Debatanami, gabe marsomba hami tu angka Debata Baal.”

HAKIM-HAKIM 2:13

Nada marsomba tu Tuhan be halahi, tapi marsomba tu Baal dohot Astoret noma halahi.

HAKIM-HAKIM 3:9

Dung i pio-pio ma halak Israel mangido tolong tu Tuhan, gabe dilehen Tuhan ma si Otniel laho paluahon halahi. (Anak ni si Kenas, anggi ni si Kaleb do si Otniel.)

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JESAYA 26:16

Ale Tuhan, hatiha na sompit dijalahi halahi do Ho, hatiha hona uhumMu, tu Ho do halahi pio-pio di bagasan tangiang.

MASMUR 106:44

Tapi di na pio-pio halahi, laing ditangihon Ho do, diparrohahon Ho do hasusaan ni halahi, ale Tuhan.

1 SAMUEL 7:2

Laing honok do Poti Parjanjian ni Tuhan i tinggal di Kiryat-Jearim, adong do hira-hira dua pulu taon. Songon i ma lolotna sai pio-pio halak Israel mangido tolong tu Tuhan.

HAKIM-HAKIM 6:7

Dung i pio-pio ma halak Israel mangido Tuhan manolong halahi mangalo halak Midian.

HAKIM-HAKIM 4:3

Adong do sambilan ratus kareta porang na sian bosi di si Jabin. Dua pulu taon honokna ia manjajah halak Israel, i noma kejamna. Dung i pio-pio ma halahi mangido tolong tu Tuhan.

HAKIM-HAKIM 3:15

Tapi di na pio-pio halak Israel mangido tolong tu Tuhan, dilehen Ia ma si Ehud tu halahi laho paluahon halahi. Panjaluk do si Ehud; anak ni si Gera do ia na sian Marga Benyamin. Markite-hite si Ehud on do somalna halak Israel manongoskon angka silua tu Raja Eglon.

JOSUA 13:31

Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

HAKIM-HAKIM 2:11

Dung i mardosa ma halak Israel maradopkon Tuhan, jana mulai ma halahi marsomba tu Baal.

1 SAMUEL 7:6

Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)