1 SAMUEL 10:6 - BIBEL JAMITA NA DENGGAN

⁶ Di hatiha i muse ma ho rajaan ni Tondi Ni Tuhan jana ihutkononmu ma tortor dohot surak ni halahi i, jana dilehen ma di ho roha na imbaru lopus gabe asing.

1 SAMUEL 10:6 Referans Kwoze

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

BILANGAN 11:25

Mijur ma Tuhan sian ombun i laho mangkatai dohot si Musa. Dibuat Tuhan i ma saotik sian Tondi na dung dilehen Tuhan i tu si Musa, lalu dilehen Ia tu pamimpin na pitupulu halak i. Dung mijur tondi i tu ginjang ni halahi, mamungka ma halahi mangkatai songon panurirang, tapi nada pola sadia honok.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

HAKIM-HAKIM 14:6

Tompu ma gabe margogo si Simson dibaen kuaso ni Tuhan, jadi disibak-sibak ia ma singa i dohot tangannia, songon dia ma hambeng dibaen ia singa i. Anggo tu amangnia dohot inangnia nada dicaritohon ia salaho tusi.

HAKIM-HAKIM 3:10

Digohi Tondi Ni Tuhan ma si Otniel, jadi gabe pamimpin ni halak Israel ma ia. Kehe ma ia marporang, gabe dilehen Tuhan ma hamonangan tusia maralohon raja ni Mesopotamia i.

MATEUS 7:22

Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

BILANGAN 11:26

Dua sian pamimpin na pitu pulu halak i si Eldad dohot si Medad, di parbandaran i do halahi tinggal, nada kehe halahi rap dohot na asing i tu Bandar Parmianan Ni Tuhan. Di parbandaran i ma mijur Tondi i tu halahi, halahi na dua pe mamungka ma sai pio-pio songon panurirang.

BILANGAN 11:29

Dialusi si Musa, “Biasi dukungonmu au? Giot pangidoonku dope tu Tuhan i anso dilehen Ia TondiNia tu sude bangsoNia, jana anso sude halahi mangkatai songon panurirang!”

1 SAMUEL 10:9

Disi kehe si Saul manadingkon si Samuel, dijagit si Saul ma roha na imbaru sian Debata. Jana sude pangalaho na nipajojor ni si Samuel tusia, tulus muse ma i laing di na sadari i.

1 SAMUEL 19:20

Jadi gabe disuru si Saul ma sanga na piga halak suruannia laho manangkup si Daud. Hape diida halahi ma sarombongan panurirang na manortori jana na rap marsurak-surak, na diuluhon ni si Samuel. Jadi gabe digohi Tondi Ni Debata ma angka suruan ni si Saul i, jana gabe dohot muse ma halahi manortori bope marsurak-surak.

HAKIM-HAKIM 15:14

Dung lalu ia di Lehi, marlojongi ma angka halak Pilistin i mandapoti ia marsurahi tusia. Tompu ma ia gabe gogo dibaen kuaso ni Tuhan. Dipargotapkon ia ma songon i angka tali panambatnia i songon dia ma rupani tali na mosok.

1 SAMUEL 11:6

Umbege i manigor digohi Tondi Ni Debata ma si Saul, jana tarrimas situtu ma ia.