1 SAMUEL 1:3 - BIBEL JAMITA NA DENGGAN

³ Ganop taon do si Elkana ro sian Rama giot maribadat di Silo dohot manghaulkon haul tu Tuhan Na Markuaso i. Na gabe malim ni Tuhan di Silo, i ma si Hofni dohot si Pinehas anak ni si Eli.

1 SAMUEL 1:3 Referans Kwoze

LUKAS 2:41

Ganop taon sai kehe do simatobang ni Jesus tu Jerusalem laho mamestahon Ari Pesta Paskah.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

HARURUAR 34:23

Tolu noli sataon, angkon sude halaklahi sian hamu angkon ro marsomba tu Au, Tuhan, Debata ni Israel.

HARURUAR 23:14

“Ganop taon angkon baenonmunu do tolu ari pesta laho pasangapkon Au.

1 SAMUEL 1:21

Dapot ma hatihana di si Elkana dohot dongan sabagasna laho kehe tu Silo mangulahi laho manghaulkon haul siganop taon tu Tuhan. Tamba ni i na dung marjanji do si Elkana laho manghaulkon haul na dumenggan.

1 SAMUEL 1:9

Sanoli dung mangan halahi di Bagas Ni Tuhan di Silo, jongjong ma si Hanna. Topet hatiha i juguk Malim Eli di karosinia di lambung pintu.

PANGARATAION 16:16

Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

HAKIM-HAKIM 18:31

Anggo patung na nibaen ni si Mika i hot do di Lais, salolot laing di Silo Bagas Ni Debata.

MASMUR 78:60

Undung-undungNia na di Silo ditadingkon Ia, i ma inganan parmiananNia di tonga-tonganta.

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.

1 SAMUEL 4:4

Jadi disuru halahi ma halak tu Silo laho mambuat Poti Parjanjian ni Tuhan i na mangwakili habangsa ni Tuhan Na Markuaso i. Anak ni si Eli na dua i ma, si Hofni dohot si Pinehas na mangudurkon Poti Parjanjian i.

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

HARURUAR 23:17

Ganop taon di hamamasa ni ari pesta na tolu on, sude halaklahi angkon ro maribadat tu Au, Tuhan Debatamunu.

HAKIM-HAKIM 21:19

“Antong,” ning halahi ma, “adong do dapot dalan di Pesta Taonan tu Tuhan sanoli on di Silo.” (Di sabola Selatan ni Silo on, adong do kota na margoar Betel, jana di Hasundutanna muse do dalan godang ni Betel tu Sikem, jana di Utarana muse i ma kota Lebona.)

1 SAMUEL 2:19

Ganop taon do dibaen inangnia baju juba na menek disia lalu dilehen ma i di si Samuel muda hatiha ro anak boru i rap dohot halaklahina manghaulkon haul siganop taon.

1 SAMUEL 14:3

Malim na maroban efod si Ahiya do, anak ni si Ahitub; i ma anggi ni si Ikabod. Si Ikabod anak ni si Pinehas, jana si Pinehas anak ni si Eli, malim ni Tuhan na di Silo.) Rayat i pe nada adong na umboto na kehe si Jonatan sian i.