1 SAMUEL 1:22 - BIBEL JAMITA NA DENGGAN

²² Tapi anggo sanoli on nada dohot si Hanna. Didok ia tu halaklahinia i, “Disi mantak managuk si Samuel taruhononku ma tu Bagas Ni Tuhan, jana disi ma ia maringanan salolot mangolu.”

1 SAMUEL 1:22 Referans Kwoze

1 SAMUEL 1:28

Jadi hara ni i, hupasahat ma dakdanak on tu Tuhan anso gabe Ia nampunasa salolot mangolu.” Dung i marsomba ma halahi tu Tuhan.

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”

LUKAS 2:22

Jadi dung salpu angka ari pangiasan ni halahi, mangihuthon Tona Ni si Musa, dioban halahi ma Dakdanak i tu Jerusalem pasahatkon Ia tu Tuhan.

1 SAMUEL 3:1

Anggo si Samuel na danak i dope, laing dioloi ia do Tuhan di hatiha i di bagasan panogu-noguon ni si Eli. Jarang sajo do di hatiha i adong tona dohot parnidaan sian Tuhan.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 2:11

Dung i mulak ma si Elkana tu Rama, tapi anggo si Samuel anaknia i, tinggal ma di Silo jana disi ma ia mangoloi Tuhan di bagasan pangajarion ni si Eli.

PANGARATAION 16:16

Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

HAMALIMON 25:23

Nada tola gadisonmu tanomu lalu manalduskon hakmu sian i, angke nada ho nampuna tano i. Tuhan Debatamu do nampunasa. Songon sada halak na dung dapotan isin do hamu mangkarejohon tano i.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MASMUR 23:6

Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”

HARURUAR 21:6

jadi angkon obanon ni tuanna i do ia tu inganan paribadatan. Dung lalu disi, angkon suruon ni tuanna i ma ia jongjong markusande di pintu sanga di tiang ni pintu ni inganan paribadatan i jana ditura ia ma pinggolna i. Gabe hatobannia noma i salolot mangolu.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

1 SAMUEL 28:2

Dialusi si Daud ma, “Tontu songon i ma antong i. Idaon ni tuan i sandiri ma i sanga aha na tarbaen au tu tuan i.” Dung i didok si Akhis ma, “Antong denggan! Huangkat ma ho gabe pangawalku.”