1 PETRUS 4:3 - BIBEL JAMITA NA DENGGAN

³ Tuk ma hatiha na salpu i di na nibaenmunu sanga aha por ni roha ni angka jolma na so mananda Debata. Nada denggan ngolumunu i. Giot-giot ni sibuk do na niihutkonmunu, na mabuk, na marpesta-pesta, na minum-minum dohot na marsomba gana-ganaan, i ma sada parange na niantahan ni Debata.

1 PETRUS 4:3 Referans Kwoze

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

1 TESSALONIKA 4:5

Ulang ma hara ni na mangoloi hagiot ni sibukna songon na nibaen ni angka halak na so mananda Debata.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

GALATIA 5:19

Tangkas do karejo na nibaen ni bako humani na jat i di bagasan angka pangalaho on: Na markarosuan, harorangan, hahodaron;

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

JEHESKIEL 44:6

Dokkon ma tu halak Israel na sai tagi-tagi mangalo i bahaso Au Tuhan Debata, nada ra be Au padiarkon halahi mambaen hodar.

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

2 KORINTUS 12:21

Songon na biar do rohangku, betak sai dipatoruk Debata au di jolomunu muda hutopot hamu. Sak muse do rohangku, bahat sian hamu na mardosa hian nabaruon, patangiskon au hara ni na laing so ra muba jana laing so mantak halahi marpangalaho na so ture, na hodar dohot na so tama.

1 KORINTUS 12:2

Ingot hamu ma dompak so ditanda hamu dope Tuhan, tarela-ela do hamu mangoloi gana-ganaan na ngungu.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

MARKUS 7:22

na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar.

JEREMIA 16:18

BaloskononKu ma dosa dohot hajahatan ni halahi i marhite uhuman dua lompit, hara ni na dung hodar dibaen halahi tanongKu marhite gana-ganaan na bahat na so marhosa songon bangke.”

JESAYA 65:4

Borngin-borngin kehe halahi tu angka liang dohot kuburan laho mangido sipaingot ni angka sumangot. Mangan juhut babi halahi jana diinumi halahi kua ni juhut sian sipanganon na dipelehon tu angka debata.

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

2 JUJUR TAON 15:8

Di na nibege ni si Asa pandohan ni si Asarya anak ni si Oded i, gurgur ma semangatnia. Dipaorot ia ma sude gana-ganaan na di tano Juda dohot Benyamin, dohot na di angka kota na nitaluhonnia di partoran Efraim. Jana dipadenggan ia ma langgatan ni Tuhan na di alaman ni Bagas Ni Tuhan i.

1 RAJA-RAJA 21:26

Dipambaeni si Ahab do angka dosa na paila-ilahon; disomba ia do gana-ganaan songon pambaen ni halak Amori, i ma angka jolma na niusir ni Tuhan morot sian tano Kanaan di parmasuk ni halak Israel tu luat i.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

JEREMIA 16:11

Paboa ma tu halahi na Hudokkon songon on, ‘Madung ditadingkon ompumunu Au laho marsomba jana mangoloi tu angka debata. Dipasiding halahi do Au jana nada ra halahi mangoloi angka TonangKu.