1 PETRUS 1:1 - BIBEL JAMITA NA DENGGAN

¹ Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

1 PETRUS 1:1 Referans Kwoze

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

EPESUS 2:19

Hara ni i, nada etongon be hamu halak na asing sanga halak na dao. Anggo saonnari rap anggota noma hamu dohot angka na porsaya i. Dongan pangisi ni Bagas Ni Debata do hamu.

MASMUR 44:11

Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

BAENON NI ANGKA RASUL 8:4

Dijamitahon halak na porsaya na marserak i ma Jamita Na Denggan na sian Debata i di sude inganan.

JOHANNES 11:52

Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

EPESUS 2:12

Nada mardomu hamu dohot Kristus hatiha i, halak na asing do hamu na so tarmasuk halak Israel. Nada masuk hamu tu na manjagit janji na nibaen ni Debata dohot bangsoNia i. Nada adong sanga aha arop ni rohamunu na mangolu i di tano on jana nada marsomba tu Debata na sintong hamu.

2 KORINTUS 1:8

Hamu ale angka dongan! Giotnami sugari diboto hamu ma nian hasusaan na hami taon di Luat Asia. Madokdoktu do hasusaan na hami tanggung i manyompiti rohanami, jana nada adong be arop ni rohanami tarbaen mangolu;

BAENON NI ANGKA RASUL 18:2

Marsuo ma ia disi dohot sada halak Jahudi na margoar si Akuila na marasal sian Pontus. Na baru dope si Akuila ro sian Italia dohot daborunia si Priskila. Na niusir ni Raja Godang Klaudius do sandok halak Jahudi sian Rom umbaen na gabe tu Korintus halahi ro. Ditopot si Paulus ma halahi na dua,

JEHESKIEL 6:8

Adong do saotik sian halahi sipaluaonKu sian panyambolan i, tapi paserahon do halahi di tonga-tonga ni angka bangso.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

2 TIMOTEUS 1:15

Diboto ho do na dung morot sude halak na di Luat Asia manadingkon au, dohot ma disi si Pigelus dohot si Hermogenes.

1 KORINTUS 16:19

Palalu tabe do angka parlagutan na di Asia tu hamu, si Akuila pe dohot si Priskila bope parlagutan na marlagut di bagas ni halahi i, manongos tabe hakristenon na marsitutu do tu hamu.

BAENON NI ANGKA RASUL 19:10

Adong dua taon sai songon i dibaen ia, lopus sudena halak na maringanan di Asia umbege hata ni Tuhan, bope halak Jahudi bope halak Junani.

BAENON NI ANGKA RASUL 18:23

Dung adong sanga sadia honok disi, kehe ma ia mangulahi manopot Luat Galatia dohot Prigia laho patoguhon roha ni angka na porsaya i.

BAENON NI ANGKA RASUL 6:9

Tapi laing adong do halak Jahudi na mangalo hatania: I ma angka anggota ni bagas paribadatan na margoar Libertini, tarmasuk ma i angka halak sian Kirene dohot sian Aleksandria. Marsoal-soal ma halahi dohot halak Jahudi na sian Kilikia dohot Asia taringot tu si Stefanus,

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

MATEUS 10:2

Angka on ma goar ni halahi na dua bolas i: Parjolo si Simon (na margoar muse si Petrus) dohot anggina si Andreas, dung i si Jakobus dohot anggina si Johannes, i ma anak ni si Zebedeus.

MATEUS 4:18

Dompak mardalan Jesus di topi ni Dano Galilea, diida Ia ma dua halak parihan. Markaha-maranggi do halahi na dua. I ma si Simon (na margoar muse si Petrus) dohot angginia si Andreas. Hatiha manangkup ihan do halahi, angke marihan do karejo ni halahi.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

PANGARATAION 32:26

Sai giot pusaonKu do halahi sudena nian, anso ulang be adong tu halahi parningotan.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?