1 JOHANNES 3:10 - BIBEL JAMITA NA DENGGAN

¹⁰ On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:10 Referans Kwoze

1 JOHANNES 4:8

Sanga ise na so marholong ni roha, nada ditanda i Debata; angke holong ni roha do Debata i.

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.

1 JOHANNES 4:21

Antong, on ma tona na nilehen ni Kristus tu hita: Sanga ise na mangkaholongi Debata angkon laing dihaholongi ia muse ma dohot donganna.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

MATEUS 13:38

Portibi on ma ladang i. Anggo same na denggan i, i ma angka halak na dung gabe parsidohot di Harajaan i. Simareme-eme i, i ma angka halak na mangoloi si Jahat i.

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

1 JOHANNES 4:6

Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

EPESUS 5:1

Dakdanak na nihaholongan ni Debata do hamu ale angka dongan. Hara ni i, tiru hamu ma Debata.

1 JOHANNES 5:2

On ma tandana na holong rohanta mida angka dakdanak ni Debata: Muda tahaholongi Debata jana burju hita mangoloi angka tonaNia.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

JOHANNES 1:12

Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,

JOHANNES 11:52

Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.

SURAT NI SI PAULUS TU PARLAGUTAN ROM 13:8

Ulang marutang hamu bagi aha tu sanga ise pe, di balik ni utang holong ni roha na sada tu na asing. Harana sanga ise halak na mangkaholongi dongan jolma, madung dipatulus halahi Tona i.

KOLOSSE 3:14

Jana na umporlu: Angkon marsihaholongan do hamu sama hamu, angke holong i do na pasadahon hamu sudena gabe sanggam.

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.