1 JOHANNES 2:6 - BIBEL JAMITA NA DENGGAN

⁶ Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.

1 JOHANNES 2:6 Referans Kwoze

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

JOHANNES 13:15

Tiruan do na Hubaen i tu hamu, anso dibaen hamu muse songon na Hubaen i tu hamu.

1 KORINTUS 11:1

Ihutkon hamu ma tiruan na hubaen songon pangihutkonku di tiruan ni Kristus.

1 JOHANNES 3:6

Hara ni i sude halak na tinggal di bagasan Ia, nada be mangkarejohon dosa; ganop halak na tongtong mangkarejohon dosa nada marnida jana nada mananda Ia.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

1 JOHANNES 2:4

Sanga ise na mandok, “Hutanda do Debata,” hape nada dioloi ia angka tona ni Debata, pargabus do halak na songon i, jana na so adong do maringanan jamita na sintong i na sian Debata di bagasan rohania.

1 JOHANNES 2:28

Jadi hamu angka dakdanakku, tongtong ma hamu maringanan di bagasan Kristus, anso pos situtu rohanta paboa na puluk hita mangadop tuSia so pola maila be hita saulahon di haroroNa.

MASMUR 85:13

Joloanan ni hatigoran ma Ia, jana pasingkoponna dalan diSia.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.

1 JOHANNES 4:17

Sanggam do holong ni roha i dipatupa di bagasan dirinta anso marpos ni roha hita di Ari Paruhuman i, harana tudos songon Ia, hita pe di portibi on do.