1 JOHANNES 1:1 - BIBEL JAMITA NA DENGGAN

¹ Taringot tu hata na mangalehen hangoluan do isi ni surat on, i ma Hata na dung adong hian mamungka sian mula ni mulana. Madung hami bege i jana hami ida sandiri dohot matanami. Madung hami ligi jana hami jama dohot tangannami. I ma na hami suratkon tu hamu.

1 JOHANNES 1:1 Referans Kwoze

JOHANNES 20:27

Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”

BAENON NI ANGKA RASUL 4:20

Harana nada tarhasipkon hami taringot tu angka na dung hami ida dohot na hami bege sandiri.”

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.

JOHANNES 5:26

Dibaen songon Ama i marhangoluan di bagasan diriNia sandiri, laing songon i ma madung dibaen Ama i do Anak i, gabe marhangoluan di bagasan diriNia sandiri.

LUKAS 24:39

Ligi hamu ma tangankon dohot patkon. Au sandiri do i! Jama hamu ma jana pamanat hamu, angke nada marsibuk sanga marholi-holi anggo begu songon na niidamunu di Au.”

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

JOHANNES 19:35

Na marnida i sandiri do mamaritahon na masa on, anso laing porsaya hamu. Jana tutu do songon on na nidoknia i; tangkas do diboto ia songon i.

BAENON NI ANGKA RASUL 1:3

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

HALUMBAAN 19:13

Jana niabitan do Ia dohot abit na nironjomkon tu bagasan mudar, jana nidok ma goarNia, “Hata ni Debata.”

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

LUKAS 1:2

Sarupa do na nisurat ni halahi i dohot carito na dung lalu tu hita sian angka na midaan sandiri sude na masa i sian mulana jana na manjamitahon Hata i.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

1 JOHANNES 5:7

Jadi adong do tolu saksina:

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.