Philippi 2:3 - Kayah Western (Latin)

³ Bí thǐ me̤tè̤ akhè̌nuô, myádu ní̤dyédû tû́ thǐ tôprè̤ agně tǎmé̤ ní, phyéduphyéhtyalô̌ tǎ thǐné̤ tǎmé̤, má̤tôkhónuô shyalya̤ní̤ lahyǎ thǐ thè́plò dố tôprè̤ ná tôprè̤ alè̤̌ ní꤮, rò tane̤du lốklò̌ ǔruô ná thǐné̤ ní̤dû ní꤮.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

³ ꤙꤤ ꤞꤤ꤭ ꤗꤟꤢꤩ꤬ꤒꤟꤢꤧ꤬ ꤢ꤬ꤋꤢꤧ꤭ꤔꤌꤣ꤬, ꤗꤛꤢꤘꤢꤨ꤬ ꤔꤟꤤꤘꤛꤢꤩꤘꤢꤦ꤬ ꤒꤢꤦ ꤞꤤ꤭ ꤒꤣ꤬ꤕꤚꤟꤢꤧ꤬ ꤢ꤬ꤑꤢꤩ꤭ ꤒꤢꤧ꤭ꤗꤟꤢꤩ ꤔꤤ, ꤖꤛꤢꤩꤘꤢꤨ꤬ꤖꤛꤢꤩꤓꤛꤢ꤬ꤜꤣ꤭ ꤒꤢꤧ꤭ ꤞꤤ꤭ꤔꤟꤢꤩ ꤒꤢꤧ꤭ꤗꤟꤢꤩ, ꤗꤟꤢꤒꤣ꤬ꤋꤥꤔꤌꤣ꤬ ꤏꤛꤢ꤬ꤜꤟꤛꤢ꤬ꤔꤟꤤ ꤜꤢ꤬ꤟꤛꤢ꤭ ꤞꤤ꤭ ꤞꤢꤧꤕꤜꤢꤪ꤬ ꤘꤣ ꤒꤣ꤬ꤕꤚꤟꤢꤧ꤬ ꤔꤢ ꤒꤣ꤬ꤕꤚꤟꤢꤧ꤬ ꤢ꤬ꤜꤟꤢꤧ꤭ ꤔꤤ꤮, ꤚꤢꤪ ꤒꤢ꤬ꤔꤟꤢꤩ꤬ꤘꤢꤨ꤬ ꤜꤣꤊꤜꤢꤪ꤭ ꤢꤨ꤭ꤚꤟꤌꤣ꤬ ꤔꤢ ꤞꤤ꤭ꤔꤟꤢꤩ ꤔꤟꤤꤘꤢꤦ꤬ ꤔꤤ꤮꤯

Philippi 2:3 Referans Kwoze

ꤚꤟꤥꤗꤢꤩ꤬ 12:10

Mo̤ ní̤dyé lǔ phú puố̤vyá̤ tômuố̤ hò́kǔnuô ní꤮. Bezṳ̂́benyá̤ ní̤dyé lǔ tôprè̤ ná tôprè̤ ní꤮.

Galasia 5:26

Pè̤ bè phyéduní̤ pè̤né̤ to. Me̤thè́plòdu ní̤dyé tǎ lǔ tôprè̤ ná tôprè̤ tǎmé̤. Thè́khwè́ ní̤dyé khyělǔ tôprè̤ ná tôprè̤ tǎmé̤ ní꤮.

Epheso 5:21

Thǐ yǒ bezṳ̂́benyá̤ Krístu akhu-akhyě, cṳ̌e khyělǔ ngó̤ tôprè̤ ná tôprè̤ ní꤮.

Epheso 4:2

Dố thǐ me̤tè̤ lò̌꤮ plǐ aklè̌nuô, thǐ tǒbè htwǒ lahyǎ kayǎ dố a shyalya̤ athè́plò rò a thè́dǒthè́nga̤ tahe. Htuô̌rò khyáthè́plòhtǔ ní̤dyé lahyǎ lǔ tôprè̤ ná tôprè̤ dố tè̤mo̤ ní̤dyélǔ akǔ nuô ní꤮.

Petru aré̤lố tôba 5:5

Phú vǎ hé pé̤ htuô̌hò́ thǐ ná tè̤shyalya̤thè́ ari-akyǎ nuô hò́, thǐ dố a nacè̤́klò̌ tahenuô, thǐ bè shyalya̤ lahyǎ thǐ thè́plò dố muố̤prû̌muố̤prè̤́ tahe alè̤̌. Thǐ pwǒ̤꤮ tôprè̤ tǒbè kû̌thyáhtya lahyǎ tè̤shyalya̤ thè́plò tôprè̤ ná tôprè̤ thyáná thǐ kû̌thyáhtya hyeca̤nuô, me̤těhérò, lisǎsè̌kǔ hé, “Cò́marya me̤tǎ̤tṳ̂̌kyǎ kayǎ dố a dyahtyalô̌ athè́plò nuôtahe manárò tè̤bwítè̤taryě yěnuô, a dyé tǎ̤pé̤ ná kayǎ dố a shyalya̤ athè́plò nuôtahe prè́.”

Philippi 2:14

Thyáphú thǐ ki htwǒhtya kayǎ mwǒ̤plǐthǐplo rò ǔ lé̤dya tè̤thû́ dố thǐlo̤ ki o pǎ tǎmé̤, htuô̌to thyáphú thǐ ki htwǒdû Cò́marya a phúmòphúkhǔ dố atè̤thû́ o to tahe, rò bí thǐ ohtwǒprè̤ dố kayǎ mǔmyá̤ cò́te̤to yětahe aklè̌ yěakhè̌, thyáphú thǐ ki lǐtakhè̌htya pé̤ ǔ phú sètahe dố hekhusǐba yěanyěnuô, thǐ me̤tè̤ ǐtětě꤮ bèbè, tamwǒ̤talè̌ krékryá̤ tǎ lahyǎ tǎmé̤ ní꤮.

Galasia 5:15

Manárò thǐ ki cyé̤ thǐné̤ phú tè̤mi̤tè̤myá̤ rò thǐ ki ení̤dyé khyělǔ tôprè̤ ná tôprè̤ hénuôma rò̤ní̤ lahyǎ thǐné̤ ní꤮, me̤těhérò pǎma thǐ me̤pyéme̤kyǎ ní̤dyé lò̌khyě thǐné̤ tôprè̤ ná tôprè̤ he.

Timothy aré̤lố tôba 6:4

Phúnuôrò kayǎ yětahenuô, a phyédu phyéhtyalô̌ talwósû́lû̌ lahyǎ cò́ athè́plò rò a thè́gně lahyǎ tôcô꤮ to. Èthǐ thè́plòshyo talwósû́lû̌ dố a ki krékryá̤ ǔ ná liplò tôplò ná tôplò angó̤lasá tahe akhu-akhyě, tè̤yětahenuô, a nò̌ohtya tè̤thè́khá lǔ, tè̤klyétè̤ngǎ, tè̤pacyé̤ishyé, ná tè̤tane̤thû́ khyělǔ tahe prè́.

ꤜꤢꤨꤊꤢ꤬ 18:14

Rò Jesǔ hé èthǐ, “Vǎ hé thǐ, kayǎ dố acò́ate̤ dố Cò́marya a mèthènyě nuôma Pharisěophú yětôprè̤nuô má̤to. Prè̤kwǐamo-arǎ yětôprè̤nuô, bí a ka̤ dố ahi akhè̌, acò́ate̤ dố Cò́marya a mèthènyě hò́, me̤těhérò kayǎ dố a phyéhtyalô̌ ané̤ tôprè̤nuô, Cò́marya ki shyalya̤ è pǎ rò kayǎ dố ashyalya̤-athè́ tôprè̤nuô, Cò́marya ki dyahtyalô̌ è pǎ.”

Colossae 3:8

Manárò khǒnyá̤yě vǐkyǎ kyǎ tè̤thè́plòdu, tè̤thè́plòhtya, tè̤thè́hte, tè̤hépyé ǔmwi̤, htuô̌rò tè̤hébè mǔmyá̤ dố a kò héto nuôtahe.

Corinthia nyě̤ba tôba 12:20

Shyé꤮ vǎ hyǎtuố̤kuô̌ dố thǐ o khè̌pǎnuô, pǎma vǎ hyǎ myáhtye dûhò́ thǐ tè̤dyathudyathè́ tahe dố a khódû ná phú vǎ thè́zṳ̂́ myáhtye nuôtahe pǎ hò́, htuô̌rò thǐ ki myáhtye dûhò́ vǎ tè̤dyathudyathè́ tahe dố a khódû phú thǐ thè́zṳ̂́ myáhtye vǎ nuô pǎ hò́, vǎ bèzò̤one phúnuô. Vǎ bèzò̤ dûhò́ ná pǎma vǎ hyǎmyáhtye thǐklyéthǐngǎ lǔ, thǐ thè́khwè́khyělǔ, thǐ thè́plòdu thuôhtyěhtǔ lǔ, thǐ okhólǔ tômṳ ná tômṳ, pacyé̤ishyé ǔ, dyámwi̤htyězo̤ ǔ, phyéduphyéhtyalô̌ né̤, me̤súsá tarû̌tapyǎ tè̤, phúnuô tahe hò́.

Corinthia aré̤lố tôba 3:3

Me̤těhérò thǐ ohtwǒprè̤ thyá pǎprè́ ná prè̤lu hekhuphú dố a krwǒlṳ̂ me̤ pǎprè́ lahyǎ phú a tè̤thè́zṳ̂́thè́lò̌ o nuôtahe prè́. Thǐ thè́khwè́ ní̤dyé khyělǔ tôprè̤ ná tôprè̤, thǐklyéthǐngǎ ní̤dyé khyělǔ nuôma a dyéluô̌htyahò́ ná thǐ thyá pǎprè́ ná prè̤lu hekhuphú nuôtahe prè́ vǎhéto? Thǐ me̤thyá pǎprè́ ná kayǎ dố a zṳ̂́e kuô̌ǔ Krístu to nuôtahe prè́.

Corinthia aré̤lố tôba 15:9

Dố Prè̤dônyǎphú lò̌꤮ plǐ aklè̌nuô, vǎ ma kayǎ dố akòabè kuô̌ǔ phú Prè̤dônyǎphú dố aruô nuôtahe taki꤮ to tôprè̤ hò́, me̤těhérò bí vǎ zṳ̂́e tyahí Jesǔ Krístu to akhè̌nuô, vǎ me̤cyě̤me̤cṳ̂ kayǎ dố a zṳ̂́e Jesǔ Krístu tahe akhu-akhyě, ǔ ki è́ kuô̌ vǎ ná Prè̤dônyǎphú tôprè̤prè́nuô꤮ a kòcò́ taki꤮ to.

ꤚꤟꤥꤗꤢꤩ꤬ 13:13

Yětôphuốrò, pè̤ ohtwǒprè̤ thǎryǎ eǒ kuô̌ǔ phú kayǎ dố a ohtwǒprè̤ dố mò̤́sè̌klè̌ nuôtahe pó꤮. Me̤ tarû̌tapyǎ pwè̌la bèbè, emṳ̂ǒpryá bèbè, thwihtyě a tè̤thè́zṳ̂́ mǔmyá̤ tahe bèbè, tè̤tane̤ patápatô̌ tahe bèbè, tè̤klyétè̤ngǎ lǔ tahe bèbè, tè̤tane̤ thè́khwè́ lǔ tahe bèbè, pè̤ me̤pǎto hò́ pó꤮.

ꤚꤟꤥꤗꤢꤩ꤬ 2:8

Manárò kayǎ dố a mo̤lya̤ ní̤dyédû ané̤ nuôtahe, ná a vǐkyǎ tè̤má̤tè̤cò́, rò a krwǒme̤kuô̌ tè̤mǔmyá̤ricyá̤ tahenuô, Cò́marya ki thè́plòdu èthǐ pǎ rò a ki cirya èthǐ pǎ.

Colossae 3:12

Thǐ ma Cò́marya akayǎ dố a mwǒ̤plǐ rò a mo̤ ní̤dyé tahe, rò a nwóhtya ní̤dyé hò́ thǐ hò́. Phúnuôrò kû̌thyáhtya lahyǎ tè̤thè́zò̤klabè, tè̤me̤ryátè̤, tè̤shyalya̤ thè́plò, tè̤thè́dǒthè́nga̤ ná tè̤khyáthè́dǒ thǐnuô tahe ní꤮.

Petru aré̤lố tôba 3:8

Vǎ thè́zṳ̂́ hé pó̤ thǐ dốkhyělố, thǐ pwǒ̤꤮ tôprè̤ tǒbè olǔ ná tè̤tane̤ tôcô꤮ tuô̌, tè̤dyathudyathè́ tôcô꤮ tuô̌ ní꤮. Mo̤ ní̤dyé khyělǔ tôprè̤ ná tôprè̤ phú puố̤vyá̤ nuô ní꤮. Thè́zò̤ ní̤dyé lǔ tôprè̤ ná tôprè̤ rò shyalya̤ lahyǎ thǐ thè́plò tôprè̤ ná tôprè̤ ní꤮.