Taitesa 3:6 - Anatunya Buku Baepole Ole Testamene Pii Lapo dee Nuu Tesamene

⁶ Namwana Lete Wai Pyao Nyingi akali Yesu Koraisa keta Anatumi banya Imambu Poo Pyasi peparae namwa pipya kulimbuo jiya.

Taitesa 3:6 Referans Kwoze

Joele 2:28

Enakana nambame nambana Imambu wambu dupwa peparaena maralyinya laro. Dokopa nakamana ikinyipi wanenepe dupwame nambana pii boo pyao larami. Nakamana alemo dupwame kombeya pirami. Nakamana wanyane akali dupwa pii repa repa pyuo kandarami.

Orome 5:5

Anatumi banya Imambu Poo Pyasi jiyamo doko keta banya mona retenge renge doko namwana monarena kulimbuo retakaya. Dokona lao Yesu epapala keyange pira lao suu pyaramano kata doko mona kendanyi pyambuo pii nara.

APOSELENA YULU 10:45

Dokopa Juu rara dokona Kurisene akali lapo Pitamoo epeyaminyi dusipame Imambu Poo Pyasi Juu daa wambu rara wakale dupwa opetae keta maralyiyasa kando ayaka lao mona nembeyami.

Isikiolo 36:25

Nambame nakamana kopetame koo pyuo isa kanape suu pyao karaminyi dupwana ipwa karo pisi nange dokome kulimbwanyi palyuo wate poo pyao nyero.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Jone 16:7

Kondalyaminyako doŋo nakama kinyi langilyu, namba kanjakala parono dokopa nakama elyape keta palirami. Namba kanjakala paa naro ramo doko Nyisingi doko nakama keta epa nara. Paro ramo doko nambame baa nakama keta mapanyi peeyakaro.

Jone 1:16

Mona keyange palyuo ipingi renge baa keta palyuo simbulyamopa imambunya renge keyange dupwa namwa peparae konda pyuole jepa pingi.

Poropepe 1:23

Kopetame pilyaminyi lao pyalana pyuo laro dokopa warombo selapape. Dokopa dopa pyuo role pipa lao nakama pii angi mana langiru.

Taitesa 1:4

Nambana Kurisene wane angi Taitesa emba pepa dake pyao jilyu. Rakane Anatu Koraisa Yesu namwana Lete Wai Pyao Nyingi dokopana mona keyange palyuo ipingipi mona kyuu lao singipi emba keta palena.

Epesasa 4:2

Nakama pau lao anjiki pyuo wambu yango kando waiya lao imbu singi nyii napala kenda jerami dupwa nyuo sakamyuo mona reto karalapa.

Epesasa 3:8

Anatunya wambu yapasi menge dupwa peparaena namba kamame isale ingyuo karapunupape Koraisana kamongonge bange kapa pyuo soo nyii naramili dupwa namba keta epeya. Doko Juu daa rara wakale dupwa mana lamaiyuo karapenge dokona lao jiya.

Orome 8:2

Namwa Yesu Koraisapa pakao karenge wambu keta Imambu letena renge palenge baame porayapala koo renge namwa rambu leyamo doko rekya lapala namwa moko nyiyasa piya.

APOSELENA YULU 2:33

Baa lopo epapala Anatunya kingi rolaerename nyiyamo dokopa Rakangeme Imambu Poo Pyasi nyera lao kaeyamo doko nyiya. Nyepala namwa keta mokwa soo jipyamopa poo lao ipyamosa pilyamo doko kandelyaminyi.

Jone 7:37

Nenge nao kareyami yuu dusipana lumwa pingi yuu gii wakasa dokopa Yesu sipurapala pii ketae palyuo dopa leya. Wambu mendeme ipwa nano pyuo karara ramo doko namba karo dokona ipupwape.

Jone 4:10

Yesumi isingi dopa lamaiya. Emba Anatumi renge keyange jingi dupwa soo giso apimi ipwa jii letamo lao sipili doko embame baa piso serenepa baame ipwa letena renge palenge lapo jipyali, leya.

Aisaya 32:15

Dopa piramopape Anatumi banya Imambu doko dee namwa keta mapanyi peyara. Yuu kwaeyo mee soo paramo dupwa amenge pira. Dee ee yuu dupwa nenge jingi angi mupwa dupwa ando palira.

Orome 2:4

Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

1 Timoti 6:17

Wambu isa bange malu mee retenge dupwa moŋokyaŋe see nana lao poraiyuo lamairi. Bange peparae mee ingyuo isa para dupwana lao andanyi nembo mona nyii napala Anatumi bange monarena rae maiyuo kamongarami lao jiyamo dupwana rae maiyuo mona nyuo karena lare.