Samu 90:5 - Anatunya Buku Baepole Ole Testamene Pii Lapo dee Nuu Tesamene

⁵ Embame akalinya karenge gii doko pyarapanyi nembengepya. Kumulyaminyisa karenge gii dolapo mee kombeyame ingingipya. Nakama rambinya pipyae raiya doko mee yangama kondalamuli pyuo andarekara nao kumuo pengepya.

Samu 90:5 Referans Kwoze

Aisaya 40:6

Pii mende ketae palyuo lao, Wai pii mende lamaila puu, lapya. Lapyamosa aki wai pii mende nambame lamairusi lao piso sipu. Dokopa lao, Wambu peparae makwa isa ingyuo karo kuku pyaraminde daa letamo. Jingi bui renge dupwa yuu gii mendasipa iki au pipala loo lenge kandale.

1 Pita 1:24

Baepolena lao dokopa, Wambu peparae makwa ingyuo kuku pyaraminde daa letamo. Jingi bui renge dupwa yuu gii mendasipa iki au pipala loo lenge kandale. Doko suu pyao wambu dupwa mee dokona mendeke ingyuo karaminyi pilyamo.

Samu 73:20

Kamongo nakama mee kukwama kombeya pipala yangama sipurenge dokopa mee ingyalya ingyana pilyasa kame soo kaenge dopakale ingyuo karaminyi.

Jopo 4:20

Akali mende yangama lete karelyamo kandenge doko alemanji see nalyaminyi mee kumungiko.

Aisaya 40:7

Kamongome poo raiya dupwa ketae minyinya lao pelyamosa isako dupwa yando napala isa jingi dupwa loo lao isa penge. Wambu dupwa isako manda manjo waiya lao otarami.