Samu 89:3 - Anatunya Buku Baepole Ole Testamene Pii Lapo dee Nuu Tesamene

³ Akali nambana rombo palyisi pipa lao kana minyilyu. Nambana kendemande akali Dapitipa

Samu 89:3 Referans Kwoze

Samu 132:11

Embame Dapiti kando pii lalu lao lee doko dee range nyii nare ingyara. Pii Dapiti kando leene dupwa nambame embena ikinyingi mende kiŋi wasaronopa emba karenge alo dokona nakama iso karara, lee.

APOSELENA YULU 2:30

Baa poropeta akali pii nolako lenge dokome Anatumi baa kando, Embena ree palu dokona mende embena kiŋi yulu pyuo karena lao rombo palyaro lao langyuo kaelyo, lamaiyamo pii doko soo gisapala

Samu 89:28

Nambame baapa pii lalu lao leyo lao suu pyao kararo. Deelao kana minyiyambano doko sulu soo sera.

1 Kiŋi 8:16

Kamongome lao, Nambana wambu dupwa yuu Isipi piso lanyuo epeyono dokopa Isaraele wambunya yuu dupwana nambame yuu taone mendena tembole anda pipala namba dokona lakandaramiŋi lao rombo palya nayo. Dopa pii nayonopape nambame Dapiti emba nambana wambu dupwa rapu pyakape lao rombo palyiyu, leya.

2 Samyuele 23:5

Kamongome namba kando pii kana minyuo lalu lao leya dokona Anatumi nambana manjirunu dupwa elyape keta pisinyi pyambwakara. Dee pii angi kinyi walengena palyuo yaki nyuo kaeya naro, leya. Pii lalu lao lapala alowa pii nange dokona namba moname nyilyamo. Dokona Anatumi namba dopa pyuo angi pyakaramo dokopa anamasi minyuo kararo.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Matyu 3:17

Dokopa yake dokona pii mende lao epapala, Nambana Ikinyingi mona retelyo dake. Nambame baa raeko maiyuo karo leya.

Samu 89:39

Embena kendemande akali kiŋi dokopa kana minyuo pii lalu lao leene doko mee inginyi nembee. Embame kiŋinya kyawa rarange doko yuunya kupinyi yaki nyipisa mee yuu parapala kwaelyamo.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Samu 89:19

Yuu wamba embena kendemande akali yulu mondomondo lao pingi dupwa keta pii repa repa pyuo lao, Nambame ami yanda pyuo mupwa ingiyamo doko kiŋinya kyawa rarange maiyuo namba wambu kareyaminyi dokona rombo palyiyu doko kiŋinya petenge isa doko maiyu.

Jasi 2:1

Kamongona aŋala doko yuu Gilikale piso pao yuu Bokimi dokona peya. Papala baame Isaraele wambu dupwa lamaiyuo, Nambame nakama nyepala yuu Isipi doko yaki nyuo nakama lanyuo pao yuu nambame kana minyuo kinyi lalu lao nakamana kauwange dupwa kando leyono dokona lanyuo epeyo. Dokona nambame nakama kando pii kana minyuo leyo dokona dee lili pii naro, leya.