Samu 87:4 - Anatunya Buku Baepole Ole Testamene Pii Lapo dee Nuu Tesamene

⁴ Nambapa kamba laa naminyi yuu dupwa yaka laronopa Isipi Bapilonepa opetae yaka laro ingilyamo. Pilisitia Taiya dee Itiopia wambu dusipa Jerusaleme dopakaleko ingilyamo laro.

Samu 87:4 Referans Kwoze

Samu 89:10

Koo renge mena poraingi Oreapa lenge doko emba yuu mendaki kalyuo pyao kumasii. Embena porainya renge dokona embena yandapimwai dupwa nyuo anamasi minyii.

Orepalaisane 18:2

Baame pii rekyae koo lapala, Yuu andake Bapilone pamuku enda ingingi doko isa pwuamo leya. Taone andake doko lalyuo burumbara pupyamopa imambu ama koo dupwa epapala palaminyiko. Dee yaka ama koo karo petenge dupwa palaminyiko.

Orepalaisane 17:5

Banya kingi mende kongwalu pii ingyuo yuu andake Bapilone doko baa pasende enda peparaena endangi kyawa ingyapala dee isa yuunya ama yulu koo peparaena endangi ingyuo petamo lao banya enamba dokona pyasi paleya.

APOSELENA YULU 8:27

Leyamo dokopa baa sipurapala peya. Papala katasa epeyamopa Itiopia akali etombo mende baa enda kingi Kandesi lenge Itiopia wambu dupwana enda kuini dokona yulu andake pyakamyuo banya kana bange rapu pyuo karenge akali doko Jerusaleme dokona Anatu ketae pyambuo kingi lala papala

Daniele 4:30

Karapala baame lao, kanda. Yuu Bapilone andake doko. Nambana taone mupwa dokome nambana porainya rengepe yanga paupau lenge rengepe neta rengepe dupwa lasaka pipuli lao piyu, leya.

Samu 137:1

Yuu Bapilone ipwa pona dupwana piso yuu Sayone suu pyao ee lao peteyama.

1 Samyuele 17:8

Golayateme pii poraiyuo kaeyo Isaraele wambu dupwa kando lao, Nakama apa pilyaminyi? Nakamame yanda pirama lao maki maki piru karamisi? Namba Pilisitia akali. Nakama Solena kendemande akali dupwa. Nakamana akali dokona mende rombo palyapala namba pyala pena lalapa.