Samu 43:1 - Anatunya Buku Baepole Ole Testamene Pii Lapo dee Nuu Tesamene

¹ O Anatu, wambu emba suu pyaa nange dupwame namba kando pii kopetame laminyi dupwana raka dokona namba rolae ingyuo karene lao panolape. Dopa pyuo wambu yulu koo pingipi kyambo lengepe karaminyi dokona namba kyawa minyuo minyalyuo nyepe.

Samu 43:1 Referans Kwoze

1 Samyuele 24:15

Kamongome iki yapo api koo pipya lao renge doko kando lara. Doko api keta palamo lao lao namba nyiso embena kingi rekya lao nyinya, leya.

Maeka 7:9

Namwa Kamongo kando koo piyamano dokona banya imbu singi doko namwa keta kapa popokau laramo nyemanale. Nyeramanopa enakana baame namwa kando koo piminyi dupwa nyuo rolakao nyiso pira. Dopa pipala baame namwa yangenge dorena nyuo pisaramo namwa rangeme nyiso kyawa minyara doko kandaramako.

1 Pita 2:23

Baa kando kilya kando leyaminyipape baame isingi pii koo dopale laa naya. Piyami dokopa isingi pyalana pii nayako. Anatu baa kote pii rolae lenge dokona suu pyapala mona kare kare kareya.

1 Korina 4:4

Namba rangena suu pingi silyuŋu leto doko namba range rolaeŋe lao lapusa pii nalyamo. Kamongo baame yeelyo namba yapo lara ingilyamo.

2 Samyuele 16:20

Dokopa Epesalomeme kapu kyuo Ayitopele piso soo, Epapu namwa dae karamano. Dokona namwame apa piramase? Embena suu pilini dupwa namba serole langipi, leya.

2 Samyuele 15:31

Dokopa akali Ayitopele doko akali Epesalome dokome Dapitinya kiŋinya yulu isa nembalana leyamo dokona rae mailyamo lao lamaiyaminyi Dapiti siya. Sepala baame ateŋa lao lao, Kamongo, akali Ayitopele pii dopa pinya dapa pinya laramo dupwa kopyali ingyuo pena lao kyawa sisingi bolombalo lanyi nembape, leya.

2 Samyuele 18:8

Yuu muu kipwa kipwa dokona yanda doko pyuo andakyapala akali yandana kumuyaminyipape daa mee lapo kamame wakasa ingyuo imwa dokona kumuo peyami.