Samu 34:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame Kamongo lao loma soo piso siyunu dokopa dokona isingi langiya. Nambana paka renge dupwana baame namba kiiramo neta nyiya.

Samu 34:4 Referans Kwoze

Matyu 7:7

Piso seraminyi dokopa jera. Kotaraminyi dokopa kando nyerami. Kambu dowa doko kapakapa piraminyi dokopa lumbwakara.

2 Timoti 1:7

Anatumi Imambu jiyamo dokome pakange renge doko jinginde daa. Pakange renge jilyuŋi lao dokopa porainya rengepe mona retengepe range rapu pyuo karengepe dupwa Imambumi joo simbungi.

Jona 2:2

Ateŋa pyao dopa leya. O Kamongo namba keta randa ipyamo dokopa nambame emba pisapu dokopa embame isingi pyaka lao kumungi panda koko dokona palu nambame nyisa lao ee lapu dokopa embame nambana pii doko sipi.

Ipuru 5:7

Wamba Yesu isa akali kareyamo dokopa Anatumi lopo lete nyipyalinya suu pyao ateŋa pyao ee andake lao piso siya. Yesu baa Anatupa lao suu pyapala range kuki ingyuo pyuo karenge dokona lao banya ateŋa doko Anatu siya.

Luku 11:9

Dokona suu pyao dopa langilyu, Piso selapape. Dokopa nakama jera. Kotarami dokopa kando nyerami. Kambu dowa dokona kapa kapa pipwape. Dokome kambu lumbwakara.

Samu 22:24

Baame wambu pendewa dupwa yaki nyuo kaeya nange. Nakama randa nyilyaminyi dupwa kandapala meŋe lao kaengende daa. Baame nakama mata mai nange. Mata mai napala nyisinya lenge dokopa yano pyakamingi.

Samu 46:2

Dokona lao isa yuu dake walu walu andake laowape dee yuu kyau dupwa poro lapala ipwa kota sukusa pao piramopape namwa paka narama.

Samu 40:17

Namba mendali range palya nao mee isale karenge. Dopa pyuo karalonopape Kamongoembame namba kame see nange. Emba nambana Anatu nambana pyuo nyingi ingyuo karene dokome waiyako lao namba nyiso karape.