Samu 27:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Samu 27:14 Referans Kwoze

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Samu 37:34

Kamongome keyange mende pira lao suu pilini dokona baa keta pyamalyuo karapala banya mawa pii dupwa rape rape lao minyuo karape. Dokopa yuu dokona nao karalapa lao baame porai renge jeramo karo kandare dokopa koo pingi dupwa ralinyi neta nembara ingilyamo.

Samu 130:5

Namba Kamongome banya pii dokona letamodoko kinyi lao sepala nyisaramo dokona wangu lakapala isaro karo.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Apakuku 2:3

Pii langiru doko aopa pyaka see nara ingilyamo dokona lao pepa pyao retare. Angi yulu pira lao lasaka pirunu doko waiya lao pira. Piramo doko mona palyuwale epelyamo lao masere. Maserenepape kaeya napala isaro karare. Nambame yuu gii retelyo dokona pira. Yuu gii retelyo dokona ama papu pii nara.

Epesasa 6:10

Pii dake lao lumwa pyuo leto. Kamongopa pako karo banya porainya renge doko nyepala kulisa palyuo karalapape.

Kolosi 1:11

Dokonako ingyuo banya porainya renge wakasa dokome nakama porainyi pyambwaramopa randa malu eparamo dokopa mona kuki palyuo rae maiyuo kararami.

Samu 33:20

Namwa Kamongo keta pyamalyapala karamano lao sepala kararama. Baame namwa nyiso kingi kapeme nee pyuo minyuo papingi.

Orome 8:25

Namwa kanda napalape kinyi piraŋa lao suu pyapala renge dokona maka nao waa waa lao iso karamano.

1 Korina 16:13

Kando karo Yesu kapa ingingi lao suu piyami dokona poraiyuo minyuo porayapala paka nao karalapape.

Jenesese 49:18

O Kamongo namba mata kyakao nyerene dokonaiso karo.

Luku 2:25

Dokopa akali mende kingi Simione lenge doko Jerusaleme kareya. Baa yulu rolae pyuo Anatu suu pyao karo Anatumi Isaraele wambu dupwa nyisala epelyape lao iso kareyamopa Imambu Poo Pyasi baa keta paleya.

Aisaya 8:17

Kamongo dokome banya wambu pipya nombe nombe pisipyasa lenge kambu nee pyuo karapyamopape namba doko baame mende pyakarakao lao baa keta pyamalyaro kararo.

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Samu 40:1

Kamongo dokome namba nyisara lao suu pyao mee isaro kareyo. Dokopa enakana nambana ee leyo doko baame siya.

Luku 2:38

Josepe Mariapa tembole anda Anatu mona maiyuo kingi lao peteyambinyi gii dokopako Ana baa epapala Anatu kando ange lapala Anatumi Jerusaleme kiiramo nyela epelyape lao kando kareyami dupwa peparae wane dokosa lao kando lamaiya.

APOSELENA YULU 28:15

Yuu dokona range Kurisene yangonge dupwa namwa epelyaminyi leyaminyi sepala Yuu Apiasana Makete dokonape yuu kingi Upunilinya Anda Palenge Rema lenge dokonape namwa kandamae nyela epeyami. Nakama kandapala Pole Anatu ange lao mona poo raiya.

Samu 37:7

Koo dupwana dopa pirama lao wambu koo dupwame angingyuo lao rapa rapa yulu pyuo pirami dupwana mona nemba napala Kamongona lenge kambudokona mona sinya lao baame panda nyuo wambo pinya lao male soo karare.