Samu 27:10 - Anatunya Buku Baepole Ole Testamene Pii Lapo dee Nuu Tesamene

¹⁰ Nambana endangi rakangepame namba yaki nyuo kaeyarambinyipape Kamongo baame namba sakao yaki nyii nao karara.

Samu 27:10 Referans Kwoze

Aisaya 49:15

Dokopa Kamongo dokome isingi lao, Endame wane banya rangena doko kame sepala kaengese? Banya wane angi mandenge doko mona reta nangese? Dokona lao kamame endangi dokome banya wane kame seramopape nambame nakama kame see nalu nao naro.

Aisaya 40:11

Baame banya mena sipisipi dupwa sipisipi rapu pingi akalimi pyamuli pyuo mondo lao rapu pira. Baame mena sipisipi yakane dupwa nyuo pyasepala banya kingi kalengena reto kupyuo lanyuo papira. Baame sipisipi yakane dupwana endangi dupwa anjiki pyuo laminyuo para.

Jone 16:32

Yuu gii mende eparamo dokopa nakama bolombalo lao anda palengenyili pyuo paraminyipa namba iki kararo. Kinyi kinyi, yuu gii doko epapu pyaka silyamo. Namba iki kararoko doŋo Rakane nambapa kararamba dokome iki ingya nara.

Matyu 10:36

Akali mendali banya ree palu dupwa pipya range sukusa yanda pimwai ingyara.

2 Timoti 4:16

Namba kanda soo kote leyami dokopa mendeme nambana lao nyisapa nayami. Mee peparaeme namba yaki nyuo kaeyami. Anatumi nakamana koo piyami dokona suu pyao kaeyakaminya leto.

Samu 69:8

Namba nambana yangonge dupwa pipya kanda nange upunili ingyuo pelyamo. Nambana endangi rakangepa dupwa pipya namba yuu nanesa wambu enenge ingyuo pelyamo.

Jone 9:35

Baa ramanyi nembeyaminyi doko Yesumi sepala koto kando nyepala baa lamaiyuo, Embame Ikinyingi Akali kapa ingingi lao suu pyao karepe? leya.

2 Samyuele 16:11

Dokopa Dapitimi akali Apisaimoo banya akali mupwa dupwape peparae lamaiyuo lao, Namba rangena ikinyingi dokome namba pyao kumakalana pilyamo dokona akipamo Benjamenena rara dokona akali dakeme doo pilyamo dokona kando yamarangyuo mona nembaramisi? leya. Kamongo dokome namba kando pinya lao pii koo dupwa lena lao lamaipyamo pilyamo dokona baa yaki nyuo panda maiyuo yulu koo doko pinya kaeyalapape, leya.