Samu 139:18 - Anatunya Buku Baepole Ole Testamene Pii Lapo dee Nuu Tesamene

¹⁸ Nambame yakalao kandaro ramo dokopa ipwa pota kee kana dupwa nyuo isa palyili laro kararami. Namba lenge rapala dokopa emba role pyao mee kararoko.

Samu 139:18 Referans Kwoze

Samu 139:3

Nambame yulu angi pilipi panda mee luu palu silini lao kando silini. Dee yulu peparae pipunu dupwa embame silini.

Samu 40:5

Kamongo Anatu embame namwana renge malu pyakao karenge. Emba yale mende kara nalyamo. Embame rengya keyange nyera dupwa peparae rapa rapa pyakalene. Namba embena yulu peparaena lao lapuli doko yulu malu mee sipyamosa saka naro ingilyamo.

1 Tesalonaika 5:10

Namwa ene lete karowape kumapalape Yesu eparamo dokopa namwa baamoo pipya role pyao karalu kararama lao kumakaya.

Samu 40:12

Randa malu mee namba keta soo kako pipyasa kapa pyuo yaka lalana saka nalyo. Nambana koo dupwame namba kalya nasi minyapyasa kapa kandaro ingya nalyamo. Nambana ayembana kyawasi malu mee karamo dopale ingyuo sipyasa nambana suu pingi doko isa pupyamo karo.

Samu 40:6

Emba menana rendamu nyelana rae mai napala namba yanenge wai pyapala kumuo jelase lao rapa rapa pyaane leya. Nakamana koo dupwa kame sakalase lao mena pyao kiso jilyaminyi doko rae maiyuo nyii nalene kandelyo.