Samu 121:2 - Anatunya Buku Baepole Ole Testamene Pii Lapo dee Nuu Tesamene

² Kamongo yake yuupi wasiyamo doko keta nambana nyisingi epara.

Samu 121:2 Referans Kwoze

Aisaya 41:13

Namba nakamana Kamongo Anatu doko ingyuo karo. Nambame porainyi pyambuo lao, Nyisaroŋo dokona paka nalapape lapunu pilyamo.

Samu 124:8

Namwa nyisara doko Kamongo yake yuupi wasiya doko keta epenge.

Ipuru 13:6

Dokona lao mona porayapala, Kamongo doko nambana nyisingi karamo. Wambumi mende piraminyi lao pako kararo doko kapa daa, lamanale.

Samu 46:1

Anatu namwana konambena mendeke ingyuo porai renge joo pyuo karenge. Randa epelyamo dupwana kaeya nao yuu peparae rapa rapa piru karapala nyisingi.

Jeremaya 20:11

Dopa laminyipape Kamongo emba ama kamame porai wakasa doko nambapa karene dokona lapome namba randa jilyaminyi dupwa isa parami. Nakama pyuo ayemba palyarami ingya nalyamo dokona elya nyuo karalu kararami. Nakama wini pirama kata mende see nayasa elya nyiyama lao kararami.

Samu 115:15

Yake pandape isa yuupi pyuo wasiyamo Kamongo dokome nakama renge keyange jinyale.

Osia 13:9

Isaraele wambu dupwa nambame pyao kokwa sero dokopa apimi nakama nyisarase?

Jenesese 1:1

Kanda soo dokopa Anatumi yake pandape isayuupi peparae pyuo ingiyamo dokopa