Samu 115:4 - Anatunya Buku Baepole Ole Testamene Pii Lapo dee Nuu Tesamene

⁴ Nakamana anatu dupwa kana kulingipi golope dokome wasisi. Nakamame wambunya kingi dokome yeelyo pyuo wasiyami.

Samu 115:4 Referans Kwoze

Dutaronome 4:28

Yuu dupwana nakamame akalinyi kingimi isa kanapeme mee bange anatu lao wasisi lenge rao kandope pii soope nenge naope dee bange ai soope pii nange dupwa lakando minyuo yulu pyakamyuo kararami.

Aisaya 44:10

Kana ane palenge dupwame kingi kokwa soo wasapala anatu ingyuo kingi lao kararami doko kapa ingya nalyamo.

APOSELENA YULU 19:26

Epapu yuu Epesasa dokona iki daa, yuu Esia kapa kapa ingyuowale Pole dokome wambu malu mende pyuo mana lamailyamo. Baame bange kingimi pyuo wasingi dupwa imambu angi daa lao karenge doko nakama pii doko soo nyilyaminyi.

APOSELENA YULU 19:35

Lao kareyaminyi dokopa yuu rangena pepa pingi akali dokome wambu rukuraka pyuo kareyami dupwa pii laa kaena leyasa koo pyuku pyuku peyamo dokopa baa dopa leya. Nakama Epesasa akali dupwa selapa. Tembole anda Atemisa kameya karamo dokonape kemali pingi kana yake dokona piso isa epeyamo dokonape namwa Epesasa wambu dupwame rapu pyuo karamano doko wambu pepare soo karaminyi.

Aisaya 44:20

Isareme raramo sungwa lengya doko nyuo mona palya napala narama ingya nalyamo. Banya suu pingi kopyali dokome baa nyuo isoko kata nembapyasa apa pilyu lao see nalyamo dokona mendeme nyisarami ingya nalyamo. Baa rangeme sepa napala bange kingi rakana minyuo karamo doko anatu angi daaŋa lao meelyamo lao soo nyii nalyamo.

Aisaya 42:17

Wambu lapo mee bange anatu dupwa mona maiyuo dee isa kanapeme anatu yale ingyuo wasapala nakamana anatuŋu letaminyi dupwape peparae isale ingyuo karo elya renge nyerami.

2 Kiŋi 19:18

Pipala nakamana mee bange anatu dupwa kisinyi nembakamingi. Dupwa anatu angi daa isa kanapeme anatuŋu lao mee wambunya kingimi wasisi dupwa kiso nembenge.

1 Kiŋi 18:26

Leyamo dokopa nakamana mena minyakamyuo epeyaminyi doko nyepala wambo rapa rapa piyami. Pipala mee bange anatu kingi Bealo lenge doko kando ateŋa lao kareyaminyi pao yuu kwuaya. Dopa piyasa nakama pii ketae lao, Bealo namwa kando isingi yano pyakape, lao kana pyare leyaminyi dokona awali lao mee wamya lyuo lao kareyami. Kareyaminyipape mee bange anatu kingi Bealo dokona piso isingi mende laa naya.

1 Kiŋi 18:29

Epeyamo dokopa nakama pii kara pao ketae lao dee pii koo kae lao lao kareyaminyi pao alemanji ingiya. Ingiyamopape ateŋa isingi yano pyaope mende pii naya dee pii kuki mendepe leyamo siyaminde daako.

Aisaya 44:9

Wambu isa kanape kingimi imambuŋu lao wasilyaminyi dupwa keyange angi ingya nalyamopa mee bange anatuŋu lao mange karelyaminyi dupwa mee ingyuo para ingilyamo. Wambu dupwame anatuŋu lao mona maiyuo lakandelyaminyi dupwa lenge kwaeyo sepa napala letaminyi dokona elya nyerami ingilyamo.

Daniele 3:5

Akali yuu muu dupwana range peparaepe pii wakale wakale lenge dupwape, Nakama bikuli laraminyi pii doko sepala dee musiki rara wakale wakale laraminyi pii dupwa soo pipala aopa kiŋi Nepukatenesame wambu yale kana golome wasisi pisiyamo doko wapambu pii pyao pangu sepala lakandarami ingilyamo.

Daniele 5:23

Dopa pipala emba Anatu yake panda karenge dokopa kamba lapala banya tembole anda dokona pee kapo pere warakepe singi dupwa nyepala minyuo epee kande. Dopa pyuo epapala embape embena akali mupwa dupwape embena etene dupwape dee enda lapo mee konda pyuo nyingi peteyami. Pisipala dupwa pipya kapo dupwana ipwa waene kyano pyuo nao role pyao kana golope kana kulingipi kone kanape anepe isape mee kanape dupwame mee bange anatu wambu kanda nangepe dee pii see nangepe dee mende maso suu pyaa nangepe dupwa waso lakandeyami. Dopa piminyipape emba kumarene dupwanape lete karare dupwanape rolo dee emba yulu peparae pilini dupwana iso karo pilyamo Anatu doko embame rape rape lao ketae pyambuo lakanda nalene.