Samu 115:2 - Anatunya Buku Baepole Ole Testamene Pii Lapo dee Nuu Tesamene

² Akipamo wambu yuu muu dupwana peparaeme piso soo, Embena Anatu doko anja karase? letaminyi.

Samu 115:2 Referans Kwoze

Samu 42:3

Kukwa korakamape ee lao karapusa ee ipwange dokome nenge ingyuo sikya pilyamo. Dopa pipyamodokopa nambana yanda pimwai dupwame piso soo, Embena Anatu doko anja karamo, lao karaminyi.

Samu 42:10

Nakamana giyalya giyana pyuo pii lami dokome namba mata rukyuo pili lao, Embena Anatu doko anja karase lao piso soo karalu karaminyi.

Ekesetase 32:12

Isipi wambu dupwame dopa lao, Embena wambu yuu Isipi yaki nyuo lanyuo pee dupwa yuu kyau dokona pyao kumuo kokwa soo nembalu nembo nembalana lanyuo pee lyamo lao akipamo laramisi? Dokona imbwa nao embena suu pingi alowa pipala embena wambu dupwa keta randa doko mai napipi.

Joele 2:17

Purisi akali Kamongome yulu pyakamyuo tembole anda kolandenge dokopa mena pyao kiso maingi rate dokopana kanya dokona yulu pingi dupwame ee lao ateŋa dapa lao lalapape. O Kamongo, embena wambu dupwa kando sakape. Yuu wakale wakale dupwana wambu dupwame namwa kando giyalya giyana pyuo kilya kando nakamana Anatu doko anja karamo laope laa nana, lape.

Samu 42:4

Wamba apa piyamano dokona suu pyapu dokopa nambana mona kwaelyamo. Namba wambu dupwa pipya role pyao Anatunya anda peyama dokopa wambu dupwa rae maiyuo kenane pyao pii porakai lao Anatu lakando peyaminyipa lanyuo peyo.

Samu 42:11

Akipamo namba sakame kumulyusi? Akipamo namba randa andake nyilyusi? Nambame Anatumi kapa pira lao soo manjo baa nambana pyuo nyingi karamo doko dee kamba lakando kararo.