Samu 110:4 - Anatunya Buku Baepole Ole Testamene Pii Lapo dee Nuu Tesamene

⁴ Kamongome lao, Purisi akali Melekiseteke pyuo kareyamodoko suu pyao emba purisi dopale mee karalu karare. Baame mee epeepe lao yakane ingyuo leyande daa. Pii lalu lao lao reteya, leya.

Samu 110:4 Referans Kwoze

Ipuru 7:17

Baepolena lao dokopa, Embame Melekiseteke apo dokona ingyuo purisi akali karalu karare letamo.

Ipuru 5:6

Lapala deeko lao, Purisi akali Melekiseteke pyuo kareyamo doko suu pyao emba purisi dopale mee karalu karare.

Jenesese 14:18

Dokopa yuu Saleme kiŋi akali Melekiseteke baa Anatu Ama Ketae dokona purisi ingyuo karengeko dokome borete waenepe lapo Aporamena minyakamyuo epeya.

Ipuru 7:28

Mosesena Lowana yulu paleyamo dokopa mee isa akali koo palenge dupwa purisi ingyuo kareyami. Enakana Anatumi banya pii lao kana minyiyamo dokome banya Ikinyingi baa yapasi ingyuo purisi yulu pyuo karalu karara leya.

Ipuru 7:11

Lipaena rara purisi ingyuo kareyami dupwame Lowa doko nyepala minyuo lao kareyami. Dokona lao Lipaena purisi yulu dokome enda akalipi elyape keta peteyamili doko purisi mende Erone yale daande Melekisetekepa mandande epeyalisi?

Ipuru 6:20

Yesu baa panda dokona wambo sukusa papala Melekiseteke piyamo apo dokona namwana purisi mupwa ingyuo karalu karara.

Nambase 23:19

Anatu doko baa akali kyambo lenge dopakale daa. Isa akalinya suu pingi alowa pyuo lenge. Anatu baa dopakale daa. Aki yulu mende baame piru lao lalu lao lenge doko baa angi pingi. Baame piru lapala dokopa angi pingi.

Samu 132:11

Embame Dapiti kando pii lalu lao lee doko dee range nyii nare ingyara. Pii Dapiti kando leene dupwa nambame embena ikinyingi mende kiŋi wasaronopa emba karenge alo dokona nakama iso karara, lee.