Samu 103:19 - Anatunya Buku Baepole Ole Testamene Pii Lapo dee Nuu Tesamene

¹⁹ Kamongome baa yake panda dokona kiŋi ingyuo pisipala wambu peparae rapu pyuo karamo.

Samu 103:19 Referans Kwoze

Samu 47:2

Kamongo Ama Ketae doko baa andake lao suu pyao pako kararami. Baa iki kiŋi andake ingyuo karenge dokome yuu muu dupwa peparaena iso karenge.

1 Pita 3:22

Baa yake panda papala Anatunya kingi rolae dokona piso aŋala dupwape imambu mupwa, dee kamongo dupwa iso karamo.

Ipuru 8:1

Pii angi leto dupwana renge simuisa doko dakeŋe. Namwana purisi mupwa doko Anatu wakasa dokona kingi rolaerename yake panda dorena petamo.

Samu 115:3

Namwana Anatu doko yake panda karamo. Baame pinya suu pilyamuli pyuo pingi.

Daniele 4:25

Emba wambu menge dupwa pipya rekya lao nyisa papala mena suwa rae lengepe pipya palyuo kararami. Dee emba mena bulamakao yale okese lenge rambi nenge dopale ingyuo nao ee kana yanda ipingi kamanda palyuo kararenepa pipyae dupwa kondo epo emba keta piso karara. Dokopa embame lao, Mee isa wambunya kiŋinya isingi yulu dupwa peparae Anatu Mupwa Andake Wakasa dokome rolo rapu pyuo karenge. Baame yuu dupwana kiŋi karena lao rombo palyingi lare, leya.

Aisaya 66:1

Kamongome lao, Yake doko nambana kiŋinya isa petenge rate silyamo. Isa yuu doko nambana kimbu kararo petenge. Anda apiyakale mende pyakaramisi? Yuu anjukundena namba palirusi? letamo.

Samu 2:4

Kamongome yake panda banya kiŋinya petenge isa dokona piso nakama kopyali ingyuo pimana lao karaminyi dupwa kandapala giyalya giyana pingi.

Daniele 4:17

Dake aŋala iso karalu karenge dupwana pii lalu lao lao palyimi doko. Anatu Mupwa Andake Wakasa dokona porai renge dokome mee akali kiŋi dupwana isingi yulu doko nyuo isa palyingi. Baame range maso akali mende kiŋi inginyi pyambuo rombo palyingi. Akali kamame kuki karelyaminyipape baame mende rombo palyilyamo doko kiŋi wasingi. Dokona lao pii doko wambu peparae sinya, lapya.

Daniele 7:14

Dokopa wambu yuu muu peparae palenge dupwamepe pii wakale wakale lenge dupwamepe wambu rara peparae dupwamepe banya yulu pyakamirami lao baa porainya rengepe kingi ketae pyambuo lakandenge rengepe dee kiŋinya porai rengepe dusipa maiya. Banya porainya renge doko sulu sera dee banya kiŋi yulu doko ota nara ingiya.