Pilipai 3:1 - Anatunya Buku Baepole Ole Testamene Pii Lapo dee Nuu Tesamene

¹ Nambana Kurisene yango dupwa Kamongo dokome rae maingi renge nakama keta jinya leto. Pii wambo pyao reteyo doko dee kamba pyao jero ramo dokopa kapa ingyara. Dee kambako serami ramo doko nakama porainyi pyambwara ingilyamo.

Pilipai 3:1 Referans Kwoze

Pilipai 4:4

Kamongona arapu dokona karo yuu peparae rae maiyuo karalapape. Rae wakasa maiyuo karo pipwape lao dee kamba leto.

Orome 5:11

Doko iki daa. Namwana Kamongo Yesu Koraisame Anatupa namwa nyuo puu minyinyi pyambuya dokona Yesu keta Anatu kando raeme kumuo lakandelyamano.

Jemesa 1:2

Yangonemoo, nakama keta makande pingi wakale wakale dupwame epo randa jiya kande dokopa rae maingi renge epelyamo lao suu pyalapape.

1 Pita 4:13

Nakama Koraisana randa nyiyamo dokona mendeke ingyuo nyimwasa pilyamoŋo lao rae maiyuo karalapape. Banya neta renge yulu doko neta epo panaramo dokopa raeme kumuo kararami lyakande.

1 Tesalonaika 5:16

Yuu peparae rae maipala karo ateŋa lao karalapape.

Pilipai 4:8

Pii renge dakeme lao oto leto. Yulu keyange wambu kando epe singi dupwana iki suu pyao karalapape. Angi dupwape, suu pingi rolaepe yulu rolaepe koo pali nange dupwape au pisi dupwape mona palenge yulu dusipa iki suu pyale pyale pyuo karalapape.

1 Pita 3:8

Epapu lumwa pyuo leto. Doko nakama Kurisene yango dupwa kondo suu pingi mendakinya palyuo mona maiyuo yalya kando pisipwape. Range mupwa lao suu pyaa napala anjiki pyuo pisipwape.

2 Korina 13:11

Yangonemoo karalapape. Koo mende pii nao mondo lao karalapape. Nambana pii dake warombo selapa. Nakama mona mendare palyuo dokopa suu pingi mendaki palyuo lambo lao karalapape. Dopa piraminyi dokopa Anatu mona retengepe mona kyuu lao singipi doko baa nakama pipya role pyao karara.

2 Pita 3:1

Nambana puu minyingimoo, pepa pase mende wambo joo kaeyo kande dokona dake lapo pyuo pyao jilyu. Pase dolapona Anatunya pii keyange dokona poraiyuo suu pyalapape lao pii dokona andarele langilyu.

Epesasa 6:10

Pii dake lao lumwa pyuo leto. Kamongopa pako karo banya porainya renge doko nyepala kulisa palyuo karalapape.

Luku 1:47

Nambana Lete Wai Pyao Nyingi Anatu dokona suu pyao rae maiyuo peto.

Joele 2:23

Sayone wambu dupwa rae maiyuo karalapape. Kamongome nakama reke lao apunda kamame andake dee kamame kuki jii napala mee kapa manda minyuo jiya. Enakana apunda kapa andake kulimbuo dee wambape dopa pyuo jinginyili pyuo jiya.

Samu 37:4

Emba rae mairinyi renge doko Kamongo keta koto karare. Dokopa embena monarena suu pilinyili pyuo jeramo karare.

Samu 32:11

Rolae pyakamyuo karaminyi dupwa Kamongome nyisapya dokona rae maiyuo parami ingilyamo. Banya pii warombo singi dupwa rae maipala pii porakaiyuo lao para ingilyamo.

Pilipai 3:3

Anatunya Imambu namwa nyisilyamopa Anatu dokona mona kando kingi lenge. Namwa Koraisa Yesunya arapu dokona karapala rae mailyamano. Dokona lao yanenge kolomasi angingyuo peyama. Doko nakama daa. Namwa yanengena yulu ketae iki suu pyaa nalyamano.

Matyu 5:12

Dokopa yake panda dokona renge kulisa andake nyerami lyakande. Dokona mona anda pyakalyuo pyao raeko maiyuo karalapape. Dokonako palyuo Anatumi banya poropeta akali wambo kareyami dupwa akali dupwame dopako pyuo lekeleke rena lapa pyuo kareyami.

Aisaya 61:10

Jerusaleme enda mapwaeme akali anda panya kalya pipala penge dopale ingilyamo doko Kamongome dopa pyuonde pyakapya lao kenane pyao rae maiyuo karenge. Anatumi baa anamasi minyingi rengepe lete pyuo nyingi rengepe dolapome kalya pipala pisapyasa pilyamo.

Aisaya 41:16

Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Samu 42:4

Wamba apa piyamano dokona suu pyapu dokopa nambana mona kwaelyamo. Namba wambu dupwa pipya role pyao Anatunya anda peyama dokopa wambu dupwa rae maiyuo kenane pyao pii porakai lao Anatu lakando peyaminyipa lanyuo peyo.

Niyamaya 8:10

Dokopa Esera nakama lamaiyuo, Nakamana anda wakale wakale keyange papala nenge dupwa nao waene ipwange rende pingi doko nao dee wambu dolo nenge rapa rapa pii nayami dupwa mokwa soo maiyuo pyuo pupwale. Renge doko yuu gii dake namwana Kamongopa poo pyasi ingyuo silyamo dokona yamarangyuo ee laa nalapape. Kamongona rae maingi renge dokome nakama porainyi pyambwara, leya.

1 Samyuele 2:1

Ana baame dopa pyuo ateŋa lao peteya. Kamongome nambana monarena rae maiyanyi pyambwapya. Baame mende pipyamo dokona lao rae mailyu. Nambana randa jingi wambu dupwa kando giyalya giyana pilyu. Anatumi nyisapya dokona namba raeme kumulyu.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

1 Tesalonaika 4:1

Yangonemoo lumwa pyuo langilyu doko apa pyuo piramanosa Anatu rae maiyuo para lao mana langiyama kande. Dokonako palyuo nakamame pyuo karaminyi doko silyamano. Dee Kamongo Yesunya kingi lao yulu keyange konda pyuo pirami lao poraiyuo langyuokondali pyuo letamano.

Samu 33:1

Rolae pingi dupwa Kamongome mende pyakapya dokona lao pii ketae palyuo lao rae maiyuo karalapape. Banya pii warombo singi dupwa peparae nakama banya kingi lakandalapape.