Osia 4:3 - Anatunya Buku Baepole Ole Testamene Pii Lapo dee Nuu Tesamene

³ Dokona lao yuu doko yando nao rali piramopa bange peparae dokona palyuo ando pyuo karaminyi dupwa kumuo rali pira. Mena rara peparaepe yakape dupwa kumuo dee omape dupwa kamame kumuo rembe nara.

Osia 4:3 Referans Kwoze

Emosa 5:16

Dokona lao Kamongo Anatu Porai Wakasa dokome dopa letamo. Taone andake dupwana kata dupwana kondome kumuo ee lao kumaralerale nyuo pisirami. Mena rapu pyuo ee wara pyuo pingi akali dupwa ee lala epena laraminyi opetaeko ee lakana lao kana mailyaminyi lenge dupwa piya wambu kumarami dupwana yongo dupwana lao ee larami.

Emosa 8:8

Dopa pirono dokopa yuusili andake minyara. Minyaramo dokopa wambu yuu range dupwa peparae koo keta palyuo ee lao pisirami. Yuu dokona yuu muu dupwa peparaena yuusili andake minyara. Ipwa Naele andake ingyuo palipala pyao sepala enakana lyaneya doko suu pyao yuu doko ando ketae papala enakana isa para.

Emosa 1:2

Emosa dopa leya. Yuu kungu kyau Sayone dokona Kamongo doko karo pii andake lao, Jerusaleme dokona piso banya pii ketae palyuo epo lao isoko kyaka dupwa yando nelyamo. Napyamo yuu gii dokopa yuu Kamele kyau dokona isoko kyaka dupwa rakusi rapala kwaeyo pilyamo, leya.

Aisaya 33:9

Yuu doko mee sinya lao yaki nyuo pelyaminyi. Lepanone imwa andake dokona isa yoko dupwa kope kape lapyamopa yuu Sarone amenge pingi rapu doko pao penda penda ingilyamopa yuu Besane yuu kyau Kamele dolapona isa yoko panda dupwa kirali pao kwaelyamo.

Jeremaya 9:10

Yuu kyaupi dee rambi mena nenge nengepe yando nao kyapuo oteyamo dokona mona randapala ee lao kumaralerale nyuo pisiru. Mendali dokona kata papirami ingya nalyamo. Mena bulamakaope mendepe pii laramo see narami ingilyamo. Yakape mena rae lengepe dupwa ralo puu pao peyami, namba Jeremayame leyo.

Jeremaya 23:10

Wambu malu yuu dakena simbuo palipala Kamongona yulu mondo lao pii nao kaelyaminyi. Nakama yulu koo dupwanako suu pyao pimisa nakamana yulu angi doko yaki nyilyaminyi. Kamongome yuu doko kwaeyo pena leyamo dokona rambi isakope dupwa kyapuo yanda nao kumuo pupyamosa ee lao kumanda petaminyi.

Joele 1:18

Rambi mena nenge dupwa pali napyasa mena bulamakao dupwa lopapala kae lao karaminyi. Mena sipisipi kaparo karaminyi dupwa opetae lopalyaminyiko.