Osia 11:6 - Anatunya Buku Baepole Ole Testamene Pii Lapo dee Nuu Tesamene

⁶ Dokopa nakamana yuu taone dokona sukusa yanda piraminyipa taonena kame kambu dupwa pyao lalyuo buru bara para. Dopa piramopa nambana wambu dupwame rangena suu pingi doko angiŋi lao minyingi dokona lao nakama pyao kokwa soo nembara.

Osia 11:6 Referans Kwoze

Osia 13:16

Samaria wambu dupwa nambapa kamba leyaminyi dokona randa narami ingilyamo. Dokopa banya wambu dupwa yanda piraminyi dokona kumarami. Dee wane nyaŋa dupwa kalyuo inju konda pyao nembarami dee enda wane palenge dupwa kalyuo poro larami.

Malakae 4:1

Selapape, wambu koo pingipi range mupwa lao suu pingipi dupwa isako yando yau renge dopale ingyuo rao kararami yuu gii doko epelyamo. Kamongo Porai Wakasa dokome lao, Yuu gii dokopa nakama rao otaraminyipa mendepe nakama pyarepala paa nara, leya.

Maeka 5:11

Nambame nakamana yuu taone dupwa pyao kokwa soo yanda lome yanda karenge kame dupwa pyao lalyinyi nembo piru.

Aisaya 30:1

Kamongome dopa letamo. Akali lapo yuu Juta iso karaminyi dupwa nambamoo kamba lao mata joo karaminyi dokona nakama kokwa soo nembaro ingilyamo. Nambame kata lapo waso reta nayono dupwana nakamame papala rara wakale dupwa pipya pii palyuo lao nambamoo leyono dupwana isa palyiyami. Yulu koo wambo piyaminyi dupwana kamba ketae pukwai pyuo pyuoko pelyaminyi.

Dutaronome 32:25

Yanda andake sipurarasa wambu dupwa kata barete dupwana pyasi serami. Anda dupwana yamarangusi sepala kumarami. Dopa piramo dokopa mapwae parangepe dupwa kumarami. Wane nyaŋa dee alemope peparae popo paa nao kumarami.

Osia 4:16

Nakama mena ingyuo Isaraele wambu dupwa mona kana pokolyaminyi. Dokona lao sipisipi ikyane dupwa rambi andelyamo nenge dopale ingyuo nambame nakama apa pyuo nenge pirusi?

Osia 4:17

Isaraele wambu dupwa mee bange anatu lenge dokona kingi lao karaminyi lao karena kae.

Emosa 6:8

Kamongo Mupwa Andake Wakasa Ama Porai karenge dokome repe repe pii dapwa poraiyuo letamo. Isaraele wambu dupwa range mupwa lao suu pyao moŋo kyaŋe singi dokona nambame epe naso karo. Nakamana anda ama reeko keyange wakasa dupwa ipyalyo. Dokona nambame wambu dupwana taone andake mupwa dokope dee dokona bange silyamo dupwa peparaepe nakamana wambu yanda pimwai dupwa keta mairu, leya.