Orome 14:7 - Anatunya Buku Baepole Ole Testamene Pii Lapo dee Nuu Tesamene

⁷ Dokona lao namwa mendeme range dokona sisu lao kara nange. Dopako pyuo mendeme range dokona sisu lao kumarama ingya nange. Lete kararama ramo doko Kamongona yulu sera.

Orome 14:7 Referans Kwoze

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

2 Korina 5:15

Yesumi wambu peparaena lao kumuyamo dokona nakama range yeelyo kara narami ingilyamo. Yesu kumapala nakamana lao lopo epeya dokona banya iki karo yulu pyakamyuo kararami ingilyamo.

1 Tesalonaika 5:10

Namwa ene lete karowape kumapalape Yesu eparamo dokopa namwa baamoo pipya role pyao karalu kararama lao kumakaya.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Orome 14:9

Koraisa baa kumuo palipala lopo lete epeya. Doko kumunginyape lete karengenape dolapona Kamongo ingyuo karalana lopo epeya.

Orome 8:38

Mendeme baame namwa mona retenge renge doko rekya lao nemba nara doko soo gisilyu. Kumungi renge lete rengepe dolapome nyuo nembarambinde daa. Aŋalape yake panda porai wakale wakalepe dusipame nyuo nembara ingya nara. Dakepape panda rakyamepe bange mendeme nyuo namwa wakale wakale pira ingya nalyamo.