Orepalaisane 9:5 - Anatunya Buku Baepole Ole Testamene Pii Lapo dee Nuu Tesamene

⁵ Nakamame wambu dusipa pyao kuma see nao kana kingi paki mee randa maiyuo karena leya. Randa doko popokyalyame pilyamo popo pingi dopale ingyuo pinya leya.

Orepalaisane 9:5 Referans Kwoze

Orepalaisane 9:10

Nakamana konali doko popokyalyana konali dopale ingyuo papala ipwange popo koo pingi paleta dokome kana kingi paki dusipana wambu randa mairami ingiya.

Jopo 2:6

Lamaiyamopa Kamongo dokome Satane kando lao, Kapa lalyeneko doŋo Jopo baa embena kingi rakana karamo. Pinya suu pyarenyili pyuo piri doŋo kumasaka napipi, leya.

Orepalaisane 9:3

Dokopa goemba malu sukwa dokona lupyuo epo popokyalyame pilyamo randa pingi renge porai dopale pale pale epo yuu dupwana siya.

Orepalaisane 13:7

Baa Anatunya wambu yanda pimwaiyuo anamasi minyapala wambu peparaepe pii wakale wakale lengepe rara peparaepe dee wambu yuu wakale wakalepe rapu pyuo karara yulu doko baa nyiya.

Orepalaisane 13:5

Mena doko ee kana rema dee mee kana pakinyamangepe dokopa Anatu kando pii koo lao baa mupwa ingyuo kareyamopa Anatumi mende laa naya.

Orepalaisane 11:7

Nakamba Anatunya pii polo lao otaparambinyi dokopa bange rae lenge koo yuwale kata soo puu penge dokona palenge doko potemo epapala nakamba kando yanda pimwaiyuo pyalana pipala baame nakamba nyuo anamasi minyapala pyao kumakara ingiya.

Jone 19:11

Yesumi baa isingi lamaiyuo, Embame namba kando mende suu pilyu ote lao kapa piro lao karene renge porai doko Ketaerena dokome emba jii napyali doko embame mende piri ingya napyali. Dokona namba nyuo emba jipyamo akali doko koo wakasa pipya ingilyamo.

Daniele 7:6

Namba mee dokona kandaroko siyunu dokopa mena mendeko epeyamo kandeyo. Doko mena lepete lenge dopale. Dopale ingiyamopape banya mata dokona yakana papake dopale kisima kareya. Dee banya kyawa kisimako kareya. Baa keta porainya renge paleyamo dokome wambu iso karara ingiya.

Isikiolo 2:6

Emba makwa isa ingyuo kuku pyaa nare akali doko nakama kando paka nao dee pii letaminyi dupwa soo pako pii napipi. Nakamame emba kando koo keta palyuo kilya kando larami ingilyamo. Isarepa moko palyuo karenge dopale ingyara. Dopa piramopape kamba lenge wambu dupwa kando paka nao dee pii larami dupwa soo paka nao pipi.