Orepalaisane 8:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa aŋala doko kiso maingi pyare dokona isare lapo nyepala rendamu pingi penge dokona kisinyi palyiya. Palyapala isa yuunya pyao peeyara aopa yuu gala andake lao yuu pele pipala yuu dupwa yuusili minyiya.

Orepalaisane 8:5 Referans Kwoze

Orepalaisane 11:19

Dokopa yake panda dokona tembole anda kambu doko lumbuyamopa Anatunya Kana Minyuo Lalu Lao Leyamo Pii Pyasi Paleyamo Bokote doko paneya. Paneyamopa yuu pele pyuo gala andake lapala yuusili minyuo randake kapa epo piyamo kandeyo.

Orepalaisane 4:5

Petenge isa andake dokona piso yuu pele pipala yuu gala lao rali piya. Dee kendapuli yanda ipingi nyepo mendasipa Anatunya imambu yanda ipingi nyepoko dokona makande pyuo rao siya.

APOSELENA YULU 16:26

Dokopa aopa yuusili andake mende minyiya. Minyapala kana lapo anda dokona kimbu pee isa ingyaro isarena kareyami dupwa minyuo romo romo piya. Romo romo pipala kambu dupwa peparae lumbuya. Lumbwapala akali peparaena puu maiyaminyi bange dupwa mee kako lao isa peya.

Lipitikase 16:12

dokopa isare pee nembenge kapa mendena isa lengya nyuo simbuo reto dee kingi kape laparaena kete pyao rendamu bange kyaa pingi mende nyuo pipala Panda Kamame Poo Pyasi dokona peparae minyuo para.

Orepalaisane 11:13

Dokopa aopa yuusili andake minyuo dee anda kamba kamba karenge dokona anda lapo lalyuo ranapala wambu ama malu (7,000) pyao kumakaya. Dokona pyarepala peyamo dupwa mona nembo pakapala Anatu yake panda karenge dokona kingi doko ketae pyambuo kararami ingiya.

Orepalaisane 6:12

Sipisipi Ikyane dokome isa roome pepa upi lasi pakinyamange doko nyuo lumbuya. Dokona dee kandeyono dokopa yuusili andake minyiya. Dokopa neta doko alowa pyuo nyuu byake rokwasi wambarae pupuri dopale ingiya. Dee kana doko kone pyuo ranjama dopale ingiya.

APOSELENA YULU 4:31

Nakama dopa lao ateŋa lao oteyaminyi dokopa elyambu pyuo peteyaminyi dokona yuusili minyiya. Dokopa Imambu Poo Pyasi nakama keta palyuo simbuyamosa nakama peparae eŋa pyapala Anatunya pii lao kareyami.

Luku 12:49

Isa yuu dakena isare pyao pyale lala epeyo doko epapu anji nyepapyali yaka lao suu pilyu.

Matyu 24:7

Dokona lao yuu mendena range wambu dupwame yuu mendena range wambu dupwa pyala parami. Kiŋi rara mendeme kiŋi rara mende pyala para. Dokopa yuu wakale wakale dupwana yuusili andake minyaramo wambu dupwa lopo andake seramo kararami.

1 Kiŋi 19:11

Leyamo dokopa Kamongo dokome baa lamaiyuo, lao, Papala nambana lenge kambu dorena yuu kyau dokona karape, leya. Dokopa enakana Kamongome ama poo raiya andake mende peeyamosa yuu kyau dupwa poro lao rali pipala kana dupwa lakao mumu piya. Piyamopape Kamongo baa poo raiya dokona kara naya. Dee enakana poo raiya minyuo oteya dokopa dee yuusili minyiya. Minyiyamopape Kamongo baa yuusili dokona kara naya.

Ekesetase 19:16

Yuu gii repo dokopa yangama yuu kyau dokona yuu gala lao yuu pele pyuo dee kopa andake soo pipala bikuli pii andake leya. Leyamo dokopa wambu palyuo kareyaminyi dupwa sepala walu lao pakame kumuyami.

Orepalaisane 8:3

Dokopa aŋala mende pee golome wasisi rendamu pingi retenge pere mende lanyuo epapala rendamu pingi bange malupi dee Kurisene wambunya ateŋa lengepe nyuo pyasapala kiso maingi kana pyare doko kiŋinya petenge isa andake repeta siya dokona Anatu kiso maira ingiya.