Orepalaisane 4:6 - Anatunya Buku Baepole Ole Testamene Pii Lapo dee Nuu Tesamene

⁶ Petenge isa andake siyamo dae wangu ipwa pete ketapa yale kyakapae mende siya. Dee petenge dokona awali lao lee renge bange kisima mende nakamana kyawa dupwana lenge malu rao buu minyiya.

Orepalaisane 4:6 Referans Kwoze

Orepalaisane 15:2

Dee kandeyono dokopa ipwa kotande isare pipa minyuo rukuraka pisi ingyapala siya. Siyamo pete nemba nembasa dokona wambu wambo mena bange koo dee bange mena baa dopale isame wasiyami dokopa yanda pimwaiyuo pyao nyuo anamasi minyiyamisa menana namba kingi palenge doko isa peyamo kareyaminyi kandeyo. Nakama Anatu rambyalu maiyamo dupwa minyaro kareyami.

Orepalaisane 5:6

Dopa leyamo dokopa Sipisipi Ikyane pyasi yalende, petenge isa andake suku dokona kareyamopa lee renge kisimape dee wambake dupwapeme nyuo kako pyao kareyami. Anatunya imambu yanda ipingi nyepo yuu muu dupwana mapanyi peeyamo dokona makande minyuo Sipisipi dokona kyawana nenge potemenge yanda ipingi nyepo karara, dee lenge yanda ipingi nyepoko rao siya.

Orepalaisane 14:3

Anatunya petenge isa dorena lee renge bange kisimape dee wambake dupwa kareyaminyipa kenane enenge mende pyao kareyami. Kenane doko mee wambu dupwa soo nyii naramilinde Anatumi kiiramo nyiyamo wambu 144,000 dusipame mana nyerami ingiya.

Orepalaisane 19:4

Dokopa alemo akalisa lama ipisu kisimape dee lee renge bange kisimape Anatu banya kiŋinya petenge isa dokona peteyamo dokona mona kando banya kingi ketae pyambuo lao, Kinyi banya kingi lakandamana leyami.

Orepalaisane 5:14

Dokopa lee renge bange kisima dupwa kinyi kapa leyami. Dokopa akali wambake dupwa wapambu pii pyapala mona kando peteyami.

Orepalaisane 7:11

Dokopa aŋala peparae, dee lee renge bange kisima dusipape wambake akali dupwape petenge isa andake dokona nyuo sukusa pyambuo roya karapala Anatunya lenge kambu siyamo dokona baapa lao mona kando pangu sepala dopa pyuo leyami.

Orepalaisane 22:1

Enakana aŋala dokome ipwa letena renge palenge doko namba lasaka piya. Ipwa doko Anatu dee Sipisipi Ikyanepe dolapona petenge isana piso guu lapala ketapa ingyuo lepolepo pyuo epo peyamo kandeyo.

Orepalaisane 21:11

Kandeyono dokopa taone doko Anatunya yanga paupau lenge dokome neta ranyi nembeya. Lepolepo neta epenge doko kana kyakapaende mone malu maiyuo ropo pyao nyingi dopalende ketapa ingyuo lepolepo pyuo kareya.

Orepalaisane 15:7

Enakana lee renge bange kisima dokona mendeme aŋala yanda ipingi dusipa pere golome wasisi mendasipana Anatu mee kareyamoko karenge dokona imbu singi doko reto simbwapala maiya.

Orepalaisane 21:21

Kambu dowa akalisa ipisu lama siya dusipa mola akalisa ipisu lama kana malu penge dalapome wasiyamipya. Dowa akalisa mendaki ipisu lama dokona mola mendaki larapu wasiyamipya. Taone dokona kata peparae dupwa golome iki wasisinde ketapa ingyuo lepolepo pyuo siya.

Orepalaisane 21:18

Kame andake doko kana kyakapae keyangendeme waso dee taone angi doko golo yapasi ketapa ingyuo lepolepo pyuo karengendeme wasisi siya.

Orepalaisane 7:17

Sipisipi Ikyane petenge isa andake dokona karapala baa nakamana rapu pingi ingyuo pelyamo. Baame ipwa guu lete palenge dokona nakama reto karara. Doko Anatumi nakamana ee kwuakamirasa pira leya.

Orepalaisane 4:4

Kiŋinya petenge isa andake dokona awali lao petenge wakale akalisa lama dee ipisu kisima (24) nyuo kako piyami. Petenge isa dupwana akali wambake 24 peteyamiko. Nakamana komau dupwa kyewa lengeme wapuwa kyawa rarange dupwa kana golo wasisimi pyuo piyami.

Orepalaisane 5:8

Buku nyiyamo dokopa lee renge bange kisima dusipape dee akali wambake 24 dupwape Sipisipi Ikyane kando wapambu pii pyaro peteyami. Peteyami dokopa akali wambake dupwa mendaki mendaki lao rambyalu minyaro piso dee pere warake golome wasisi Kurisene wambunya ateŋa lenge dopale makande minyuo kyaa keyange piyamo minyaro peteyami piso

Orepalaisane 5:11

Nambame dee kamba lenge nyuo kandeyono dokopa aŋala yanda kambunde kapa yaka laa narami ingya nayamopa kenane pyao kareyaminyi siyu. Petenge dokona lee renge kisimape wambake lapo pipa karo walya papalu pyuo

Orepalaisane 6:1

Nambame Sipisipi Ikyane dokome pepa rongo pisi dokona isa roome upi lao rambu lasi mupwa doko rekya leyamo doko kandeyo. Kandeyono dokopa lee renge bange kisima dokona mendeme banya pii doko yuu gala lele lapala lao, Emba ipu leya.

Orepalaisane 6:6

Bange lee renge kisima kareyami dokona mendakindeme ingyuo pii dopa pyuo leya. Yuu gii mendaki dokona yulu pirami dokona lao mee nenge yando kenapa jingi sanapee mendaki yole ingyuo mokwa soo mairi. Dee yuu lapo bale jingi doko sanapee rema mokwa soo mairi. Nenge keyangepe waene ipwangepe wele ipwangepe kokwa see nalapape leya.