Orepalaisane 21:10 - Anatunya Buku Baepole Ole Testamene Pii Lapo dee Nuu Tesamene

¹⁰ Dokopa imambu doko epo namba keta maralyiyamopa aŋala mendeme namba soo yuu kyau ama ketaendena peya. Papala dokona karo yuu taone Jerusaleme enenge poo pyasinde Anatu keta yake dokona piso epeyamo doko lasaka piya.

Orepalaisane 21:10 Referans Kwoze

Orepalaisane 21:2

Dokopa Jerusaleme taone yapasi doko enenge ingyuo alowa pipala yake dokona piso enda mapwae rapa rapa pyuo kalya pipala akali anda epenge dopale mane mane pyuo epeyamo kandeyo.

Orepalaisane 17:3

Imambu dokome namba nyuo kako piyamopa aŋala mendeme namba nyuo soo yuu muiyane dokona peya. Dokona endande mena kone yanenge peparaena pii koo dupwa pyasi paleyamo mata dokona peteyamo kandeyo. Mena doko ayemba yanda ipingi nyepo dusipana nenge akalisa epengepya.

Orepalaisane 1:10

Namba dokona karo Kamongona yuu gii sande andake dokopa Imambu dokome namba keta maralyiya. Maralyiyamo dokopa mata siyamo dorena pii andake bikuli pii lele lao leyamo siyu dokona

APOSELENA YULU 8:39

Nyakamipala ipwa doko nakamba yaki nyepala pulyuo peyambinyi dokopa Kamongona Imambu dokome Pilipa nyepala lanyuo peya. Peyamopa akali etembo dokome baa dee kamba kanda naya. Kanda napala banya kata nyuo rae maiyuo peya.

Orepalaisane 4:2

Leyamopa aopa Imambumi namba porainyi pyambuya. Dopa piya dokopa yake pandana kiŋinya petenge isa andake dokona mendali peteyamo kandeyo.

Isikiolo 3:14

Dokopa Kamongona Imambu dokome namba minyalyuo nyepala soo peya. Banya porai renge dokome namba keta epeyamo dokopa kata jiyasa epe see napala imbu singi nyiyu.

1 Kiŋi 18:12

Nambame emba yaki nyuo parono yuu gii dokopa Kamongona Imambu dokome yuu kanda nange mendena emba nyuo lanyuo para ramo doko apa pirase? Dokopa emba dae karenge lao Ayape lamairu dokopa baa epo emba kotaramopa kara narene kandapala namba pyao kumakara. Namba wamba wane dokopa piso suu pingi keyange palyuo yuu peparae Kamongo lakando ateŋa lao karenge kandale doko emba suu pyaa, leya.

2 Kiŋi 2:16

Ponga nao karo dopa leyami. Namwa dae akali akalisa kingi paki porai dasipa karamano. Namwa embena kamongo akali doko koto kandala mwua. Kamongona Imambu dokome baa minyuo pao yuu kyau mendenape panda yuu lama mendenape yaki nyuo mee karena lapala pasaraŋa rapisi leyami. Dopa leyaminyi dokopa Ilaisa isingi lao, Daa nakama dokona paa nalapape, leya.

Galasia 4:26

Dokona yake panda Jerusaleme doko mee karapusi pali napala namwana endangi angingyuo pelyamo.

Orepalaisane 3:12

Anamasi minyarami dupwa Anatunya tembole andana isa pinginya ingili lao karalu karalapa laro. Nakama dopa pyuo kararami dokopa namba Anatunya kingi nakama keta pyao palyaro. Dee Anatunya panda dokona yuu kingi Jerusaleme panda enenge yake panda dulunya rae Anatu baa lupyuo jeramo dokope dee nambana kingi enenge doko alowa pyuo pyao palyuo piru leto.

Orepalaisane 11:2

Dopa pirinyipape tembole anda dokona netarename kame piro karamo Juu daa rara menge dupwa maiyuo kaeyasi doko makande pyuo kanda napipi leya. Nakamame Jerusaleme Taone Yapasi doko kana akalisa kisima ipisu lamana apa nao kunji kanji minyuo kararami.