Orepalaisane 16:11 - Anatunya Buku Baepole Ole Testamene Pii Lapo dee Nuu Tesamene

¹¹ Nakambana yulu koo piyami dupwa konda napala rete pyuo sii lao piyamo dupwana lao Anatu yake panda karenge doko baa kando kooŋo lao lao nembeyami.

Orepalaisane 16:11 Referans Kwoze

Orepalaisane 16:9

Neta isare ingyuo rao alyasi dokome akali dupwa rao raukusi reya. Rao raukusi rapalape Anatu baa randa koo dopale wambu keta mee kapa mairali doko kando kilya kando leyami. Lapala nakamba mona kapu kyuo banya kingi dokona lakandao lao pii nayami.

Orepalaisane 16:21

Apu andake randake kapa reeko lasi kope byake dopale paleta isa epeyamo dokopa wambu dupwa piya. Dopa pyuo piyasa randake kapa dokome randa koo napala Anatu kando kilya kando leyami. (Anatu yaki nyepala imambu wakale wakale suu pyaro kareyasa dokona enda pamuku leya.)

Orepalaisane 16:2

Dokopa aŋala mupwa ingyuo dokome Anatunya imbu singi perena siyamo dupwa kulimbwanyi palyiya. Dokopa wambu bange mena koona make palyuo bange mena koo dopale kingimi wasapala kingi lao karenge dupwana yanenge dokona rete andake poro lao piya.

Orepalaisane 11:13

Dokopa aopa yuusili andake minyuo dee anda kamba kamba karenge dokona anda lapo lalyuo ranapala wambu ama malu (7,000) pyao kumakaya. Dokona pyarepala peyamo dupwa mona nembo pakapala Anatu yake panda karenge dokona kingi doko ketae pyambuo kararami ingiya.

Orepalaisane 2:21

Nambame baa mona kapu kyerape lao isaro kareyonopa enda baame banya pamuku yulu mona kenda napala pyuoko petamo.

2 Timoti 3:13

Satane akali Anatunya yulu pii lao mee karenge akali dupwame yulu koo pyuo pao kamame koo wakasa dokona pirami. Wambu mendali kando dereke pii lami dokona nakama range keta lao nyuo lamisa pilyamo.

Esera 7:23

Dokona nakamame bange peparae Anatumi banya tembole anda dokona nyipuli lao suu pyaramuli pyuo mondo lao maiyalapape. Dokopa Anatumi nambape dee enakana akali nambana panda nyuo kararami dupwape kando imbwa nara.

Esera 6:10

Dopa pyuo mairaminyi dokopa nakamame Anatu yake panda karenge doko rae mainyi pyambuo bange kiso maiyuo dee Anatumi nambamoo nambana ikinyingi dupwape elyape keta pisinya lao ateŋa lakarami.

Esera 1:2

Kiŋi Sairose yuu Pesa range dokome pii dake dapa lao leto. Kamongo Anatu yake panda karenge dokome namba rombo palyapala yuu muu peparaena rapu pyuo karo tembole anda andake doko yuu Juta singi dokona yuu Jerusaleme dokona karamo doko kamba pyakape, langiya.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Niyamaya 2:4

Lamaiyunu dokopa kiŋimi namba langyuo, Nambame apa pyakapili lao piso silini? leya. Dokona lao Anatu yake panda karamo doko kando piso soo ateŋa leyo.

Niyamaya 1:4

Leyaminyi doko sepala yuu gii lapo ee lao kumanda peteyo. Pisipala dokopa namba nenge naa nao Anatu yake panda karenge doko ateŋa lao kandalyo kando peteyo.

Esera 7:21

Namba kiŋi Atasesisimi akali kana rapu pingi ipwa Yuporisa neta anda penge dorena yuunya karaminyi dupwame purisi akali Esera lenge Anatu yake panda karenge dokona lowa soo gisingi doko bange kee laramo dupwa peparae mainya leto.

Esera 7:12

Namba kiŋi Atasesisimi emba purisi akali Esera Anatu yake panda karenge dokona mawa pii dupwa soo gisingi doko pyao jilyu.

Jona 1:9

Dokopa Joname isingi dopa leya. Namba Ipuru akali. Nambame Kamongo Anatu yaka panda ketae karo isa yuu pandape dee ipwa kotape pyuo wasiyamo doko lakando loma singi.