Orepalaisane 12:2 - Anatunya Buku Baepole Ole Testamene Pii Lapo dee Nuu Tesamene

² Enda baa repeta wane manjinya piyamopa mata piyamo dokome randa nyepala ee leya.

Orepalaisane 12:2 Referans Kwoze

Orepalaisane 12:4

Banya konali dokome yakena bui dokona pakirena pyao pingyanyi isa yuu dokona malyiya. Malyapala enda wane repeta manjira ingiyamo lenge kambu siyamo dokona wane manji paramo dokopa nalana suu pyao epo kareya.

Galasia 4:19

Namba role pyao karo dokopa iki dopale pirami ramo doko kapa inya nara. Nambame nakama nambana wane ingyuo mona retenge. Nambame nakamana lao endame wane manjinya mata pingi dopale ingyuo randa nyuo Koraisa karenge doko isa komba pyao nakama dokona maralyaramo dokona kaero.

Jone 16:21

Enda mende wane mata pilyamo dokopa rangena yuu gii doko pyaka sipyalyamo lapala mona randange. Dopa pilyamopape wane doko manjo nyepala dokopa raeko maipala baa randa neyamo dupwa nyuo kame singi.

Galasia 4:27

Baepole dokona lao. Ingi poraingi enda dupwa rae maiyalapape. Wane mata pilyamo kanda nange dupwa mona seramopa yau pyanyi minyao lao rae maiyalapape. Enda akalingimi yaki nyuo peyamopa baa wane malu manjiramopa akali role pingi dokome wane mendasipa iki manjira.

Maeka 5:3

Kamongome banya wambu dupwa nakamana yanda pimwai dupwa keta maipala kaeyaramo pao enda mende wane manjira ingilyamo doko angi manjira gii doko pyaka sera. Dokopa banya rara dokona lapo anjisi yuu wakalena karaminyi dupwa dee rangena wambu dupwa pipya karengenyili pyuo pyasapala range kararami.

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

Aisaya 54:1

Jerusaleme emba enda ingi porailyamo wane manja nao petenge dopale ingilyamo karenge doko raeme kumuo kenane ketae palyuo karape. Renge doko enda akalingimi yaki nyuo peyamopa baa wane malu manjiramopa akali role pingi dokome wane mendasipa iki manjira.

Maeka 4:9

Nakama akipamo ee poraiyuo kaeyo letamisi? Akipamo nakama enda wane manjana mata pilyamo randange doko suu pyao ingi randalyamisi? Nakama dopa pilyaminyi doko nakamana kiŋi akali mende kara nao kanjili dupwa kumuo piyami dokona suu pyao ingi rando karamisi?

Matyu 24:8

Doko enda wane ene mata pyalana kanda singi dopale ingyara.