Matyu 3:6 - Anatunya Buku Baepole Ole Testamene Pii Lapo dee Nuu Tesamene

⁶ Papala nakamana yulu koo dupwa polo leyaminyipa ipwa Jotane dokona baame bapitisimo nyakamipa pyuo kareya.

Matyu 3:6 Referans Kwoze

APOSELENA YULU 19:18

Dokopa ene doo Yesu suu pyao kareyaminyi dupwana malu epapala dopa pyuo karamano dapa pyuo karamano lao pano polo leyami.

1 Jone 1:9

Namwana koo dupwa Anatu keta polo lamairama ramo dokopa baame namwa yaki nyii nao kyawa minyuo yulu rolo pyuo karenge dokome namwana koo dupwa nyuo kame sakao ukiaki minyingi dupwa pyuo elya pyuo nyakara.

Ipuru 9:10

Lowa wambarae dupwana nengepe ipwape dee Juu wambunya wate pingi yulu dupwanape lao waso kareyami dupwa yanengena lowa iki ingiya. Lowa wambarae doko mee kingi wai lete lao minyaro kareyaminyipape enakana angi doko epara ingiya.

Matyu 3:11

Nambame nakama mona enenge palyuo karalapape lao mee ipwa dokome bapitisimo nyakao karo. Dopa pipunupape mende enakana epelyamo dokome namba kando porakai wakasa ingyuo karamo dokona kimbu suu lyolo doko polarono namba kwaeyamo dokome kapa ingya nalyamo. Baame Imambu Poo Pyasi dokopa isarepana nakama bapitisimo nyakara.

Kolosi 2:12

Nakama bapitisimo nyiyami kande doko Koraisapa role pyao malu pisi siyami. Dee Anatumi Yesu kumasi siyamo dokona lete minyalyuo nyiya doko baa porai kapa ingingi lao suu piyami dokome nakama bapitisimo nyiyami dokopa Koraisapa role pyao minyalyuo nyiyasa piya.

1 Korina 10:2

Mosese leyamuli pyuo papala kopa ipwape dolapona bapitisimo nyuo peyami.

APOSELENA YULU 22:16

Dokoŋo epapu emba akipamo mee isaro petene? Sipurapala bapitisimo nyii. Dokopa banya kingi lao embena koo dupwa wate pinyi nemba leya.

APOSELENA YULU 11:16

Dokopa Kamongo dokome pii mende leyamo doko suu piyu. Baa akali Jone ipwa dokona bapitisimo nyakamyuo kareyamopape Anatumi nakama Imambu Poo Pyasi dokome bapitisimo nyakara, leya doko.

APOSELENA YULU 1:5

Dokona lao Joneme ipwame iki bapitisimo nyakamiya. Dopa pyuo nyakamiyamopape yuu mendasipa epo paparamopa Anatumi Imambu Poo Pyasi dokome nakama bapitisimo nyakara, leya Yesumi.

Luku 3:16

Dokona Joneme nakama peparae isingi lamaiya. Nambame nakama ipwa dokona mee bapitisimo nyakao karo. Ipwa dokona mee bapitisimo nyakao karapunupape Porakai mende nambapa kapa pii narande epelyamo dokona kimbu suu lyolo doko polarono namba kwaeyamo dokome kapa ingya nalyamo. Baame Imambu Poo Pyasi dokopa isarepana nakama bapitisimo nyakara.

Make 1:5

Yuu Jutia range dupwa peparaepe Jerusaleme wambu dupwa peparaepe baa kareyamo dokona peyami. Pao kareyaminyi dokopa baame nakama bapitisimo nyakamyuo kareyamopa nakamana koo dupwa polo lao ipwa Jotane dokona bapitisimo nyiyami.

Daniele 9:4

Nambana wambu dupwana koo dupwa kame sakaminya lao nambana Kamongo Anatu kando ateŋa lakamiyu. Nambame lao, Kamongo Anatu emba kamame andake. Namwame emba ketae pyambuo rape rape lao lakando karamano. Emba embena kana minyuo lalu lao lenge pii doko suu pyao minyaro karenge. Dee wambu lapome emba mona reto embame pii lengenyili pyuo pingi dupwa embame mona retalu reto retenge.

Isikiolo 36:25

Nambame nakamana kopetame koo pyuo isa kanape suu pyao karaminyi dupwana ipwa karo pisi nange dokome kulimbwanyi palyuo wate poo pyao nyero.

Samu 32:5

Nambana koo dupwa emba keta polo langiyu. Kopetame pingi dupwa yalu pinya saka napala emba polo langinya suu piyu. Dokona embame nambana koo pingi dupwa peparae kwuanyi nembakaeye.

Lipitikase 16:21

Maipala banya kingi dolapo memena ayemba dokona ketae retaro karo Isaraele wambunya yulu koope kamba lao Anatu mata maiyuo yulu pingipi polo lamaiyuo memena ayemba keta pisara. Pisapala akali mendeme meme doko nyuo lanyuo neta para lao rombo palyiyami dokome yuu muiyane dokona meme mapanyi nembara.

1 Pita 3:21

Ipwa andake doko bapitisimo yulu dokona ingyuo wambo kongwalu piya. Bapitisimo nyilyamano doko mee yongona karo petenge dupwa wate pyuo lete pelyamasa pii nange. Bapitisimo nyuo dokopa nakama pii mende lalu lao lenge doko moko minyuo kaeya naro lao suu pyapala lete dokona pelyamasa pingi. Yesu Koraisa baa sipurao lete peyamo dokona ingyuo lete paramasa pira.

Jemesa 5:16

Dokona ingyuo nakama mendeme mende kando nakamana koo dupwa polo lamaipala ateŋa lakamyuo kararaminyi dokopa nakamana anga dupwa mee ingyara. Akali rolae pingi dupwana ateŋa larami dokome yulu andake pyuo angi kandara.

Luku 1:16

Baame Isaraele wambu malu nakamana Kamongo Anatu dokona dee lanyuo epara.