Matyu 26:61 - Anatunya Buku Baepole Ole Testamene Pii Lapo dee Nuu Tesamene

⁶¹ Akali dakeme Anatunya tembole anda doko lalyinyi nembapala yuu rema kapa pyuo otaro, leya, leyambi.

Matyu 26:61 Referans Kwoze

Matyu 27:40

Emba tembole anda doko lalyinyi nembapala yuu rema dee mende pyuo nyero lee kande doko suu pyao embame range lete wai pyuo nyii. Emba Anatunya Ikinyingi ramo dokome isa mamando dake yaki nyepala emba isa lupyuo ipu, leyami.

Make 15:29

Wambu lapome kata dokona epo pao baa kando kilya kandalya kandana pyuo ayemba yande lao, Yee, emba Anatunya anda andake lalyinyi nembapala yuu rema dokopa dee piro lee kande doko suu pyao

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

APOSELENA YULU 22:22

Poleme pii wambo dupwa lao kareyamo dokopa soo kareyami. Dee pii doko nyokonyuo lapala lao otapeyamo dokopa nakama pii ketae palyuo lapala, Akali dake angi daandelamo, isa yuu dakena kara nanale, pyao nembalapape. Baa lete kara napenge ingilyamo leyami.

APOSELENA YULU 18:13

Papala, Namwame Anatu ketae pyambuo misi lengenyili pyuo pingi dokona akali dakeme alowa pipala suu pingi enengendena palyuo pipwa lao karamo leyami.

APOSELENA YULU 17:18

Dokopa akali anjuku pii kinyi lao yuu peparae poraiyuo suu pyanyi pyano kareyami dupwana lapo kingi Epikuriana Setoikipi lenge dupwame baa kareyamo dokona epeyami. Epapala banya pii sepala lapome, Akali pii lao papingi doko apa letamo? leyami. Lapome, Imambu wakale nanesa karenge lapona boo pyao lao karalalyamo, leyami. Baame Yesunya kingi laope baame lopo epeya leyamosa pii doko leyami.

Jone 9:29

Anatumi Mosese pii lamaiya doko soo gisilyamano. Soo gisamwanopape akali dae lao karamo doko anja karo epeya lao see nalyamano leyami.

Luku 23:2

Papala baasa kando koo pipyaŋa lao, Akali dakeme namwana rara wambu dupwana suu pingi ukiaki minyuo Sisa takisi bange mai nalapape lao namba kiŋi akali Koraisa dokoŋo lao karapyamo kandamwa leyami.

Matyu 26:71

Lapala kakota lumbungi dokona peyamo dokopa kendemande enda mendeme baa kandapala wambu lapo doo kareyami dupwa lamaiyuo, Akali dake Yesu Nasarete range dokopa karambi, leya.

Matyu 12:24

Dopa leyaminyipape Parisi dupwame sepala, Imambu koo dupwana kamongo Belesapulu lenge dokome baa minyapyasa imambu koo dupwa rekya lanyi nembelyamo, leyami.

1 Kiŋi 22:27

Maipala dokopa nakamba lamaiyuo, Baa karapusi anda palyapala nenge borete ipwape iki maiyuo karena lare. Dopa pyuo kararaminyipa namba kapa lete eparo, leya.

Jenesese 19:9

Dopa leyamopape nakamame lao, Emba kata jii. Embamee endame manjisi yuu wakale range epo karenge dokome namwana koo epengepe laopakana palyuo larepe? Epapu akali dolapo kaeyapala emba keta moŋo jerama, leyami. Lapala nakamame akali Lote baa poraiyuo kaeyo suu lanyi kambu dokona repeta pyambuyamisa lalyalana piya.

Matyu 26:62

Dokopa purisi akali mupwa wakasa dokome roya karapala dopa leya. Emba isingi mende warapo lare ingya nalyase? Nakambame embasa kando kote lao akinde lalambipi? leya.

Matyu 27:5

Dokopa baame kana dupwa tembole anda dokona isa pyao pyambwapala baa range koe nao kumalana kala peya.

Make 14:58

Baame tembole anda doko isa wambumi piyami doko lalyinyi nembapala yuu remasa paparamopa tembole mende isa wambumi pii nange dokore range piru leya doko siyama, leyami.