Matyu 26:53 - Anatunya Buku Baepole Ole Testamene Pii Lapo dee Nuu Tesamene

⁵³ Nambana Rakange piso seronopa baame yanda singi aŋala rara akalisa ipisu lama yanda kambu dokome namba nyisala pena lara lao suu pyaa nalese?

Matyu 26:53 Referans Kwoze

Matyu 4:11

Dokopa Satane doko baa yaki nyepala peyamopa aŋala lapome epapala Yesu nyisiyami.

2 Kiŋi 6:17

Lapala dokopa baa ateŋa leya. O Kamongo, banya lenge lumbwakamipi. Dokopa baa kandenale, leya. Dokopa Kamongo dokome ateŋa doko isingi yano pyakamiya. Dokopa Ilaisana kendemande akali doko ketae kandalyiyamo dokopa yuu kyau dokona mena osepe mena oseme ipyuo papingipi uliuli isare pipya Ilaisa kareya dokona kako pyaro kareyaminyi kandeya.

Luku 8:30

Yesumi baa kando, Emba kingi api lengese? leya. Dokopa, Namba Yuwalyu lenge, leya. Imambu koo malu mee baa keta maralyiyamo dokona kingi doko leya.

Daniele 7:10

Doko rao range palu lombo nyisa epeya. Dokopa wambu ama malu mee banya yulu pyakamyuo dee wambu ama malu wakasame banya lenge kambu siyamo dokona roya kareyami. Dupwana kote pii kanda soo lalana buku dupwa lumbuyami.

Juti 1:14

Yuu wamba dokopa Inoko baa Atamena para piyamo dokona pao yanda ipingi ingyuo kareya dokome akali yulu koo pilyaminyi dusipana lao nolako lao dopa leya. Selapape. Kamongome banya aŋala poo pyasi ama malu (1,000) role pyapeta lanyuo epara.

2 Tesalonaika 1:7

Nakama randa nyilyaminyi dokona Anatumi mandaranyi pyambwara. Kamongo Yesumoo banya aŋala porai dupwamoo yake dokona piso pano eparaminyi dokopa namwa opetae koo soo pisarama.

Matyu 25:31

Ikinyingi Akali baa aŋala dupwa peparae pale pale yanga paupau lao epapala dokopa baa banya kiŋinya petenge yanga paupau lenge dokona pisira.

Make 5:9

Dokopa Yesumi baa piso siya. Emba kingi api lengese? leya. Leyamo dokopa baa isingi dopa leya. Namwa malu mee palenge dokona nambana kingi malu lenge, leya.

Make 5:15

Epo Yesu kareya dokona epapala akali kopyali imambu koo malu soo pyale leyamo karenge doko komau wapuo banya suu pingi doko rolae paleyamo dokona peteyamo kando pakayami.

Jone 10:18

Namba daa laronopa mendeme namba pyao kumakaraminde daa. Namba range maso kumuo mairu renge dokope dee kamba lete paro renge dokope namba range keta palamo. Nambana Rakangeme dopako piri langiyamuli pyuo piro leya.

Jone 18:36

Yesumi isingi lao, Nambana isingi yulu doko dae isa panda pali nalyamo. Nambana isingi yulu doko isa pandana yulu ingyuo pupyali doko nambana yulu pingi akali dupwame Juu wambu keta namba nyuo peeya nana lapala pyakando pimili. Nambana isingi yulu doko isa wambunya yulu dopale ingyuo paa nalyamo leya.