Matyu 23:34 - Anatunya Buku Baepole Ole Testamene Pii Lapo dee Nuu Tesamene

³⁴ Dokona Anatunya poropeta akalipi rolae suu pingi akalipi mawa pii mana lenge akalipi lapo nakama karaminyi dokona mapanyi peelyo. Dokopa nakama dupwana lapo pyao kumakao isa mamandona pyao palyuo, lapo nakamana sinakoke anda dupwana pyarako pyao, lapo anda repe repe pyuo karenge dupwana randa maipapu pyuo kararami.

Matyu 23:34 Referans Kwoze

Matyu 13:52

Dokopa baame nakama lamaiyuo, Dokona suu pyao wambu Mawa Pii wambarae dupwa soo giso karapala yake pandana isingi yulu dokona sukusa parami dupwame, anda range akali mende banya bange kulisa rungi rungi pingi seramo dokona bange enengepe wambaraepe yapalyuo nyera dopale, ingyuo pelyaminyi leya.

Kolosi 1:28

Dokona namwa wambu peparae Koraisana kingi boo pyao lao singi renge wakale wakale dupwa mana lamailyamano. Dokome nakama mendaki mendaki lao mona palenge wambu ingyuo Yesupa pakao Anatunya lenge kambu dorena kararami.

APOSELENA YULU 13:1

Yuu Andioko Elyambu Pingi dokona mana lengepe dee poropeta akalipi kareyami. Banapasamoo Simione kingi mende Naisa lenge doko, Lusiasa yuu Sairini rangepe Maneyene kiŋi Erotena ree palu dokope dee Solemoo kareyami.

Matyu 10:23

Taone mendena randa jiyami kande dokopa taone mende maki pyuo karara dokona ralo papa pipape. Dokona lao kinyi langilyu, Isaraele wambu dupwana anda repe repe pyuo karenge dupwana nakama ene papipa naraminyipa Ikinyingi Akali epara.

Orepalaisane 11:10

Kumuyambi dokona isa wambu rae maipala mali lyuo puu minyingi dupwa pipya bange mee maiyuo kararami. Poropeta akali dolapome isa wambu peparae mona kendanyi pyambuo kareyambi dolapo kumuyambi dokopa rae mairami ingiya.

Ipuru 11:37

Nakama kaname pyapala dokopa wua gela dupwame pyao piyamisa kumuyami. Nakama pendewa ingyuo papala sipisipi memepena yanenge nyuo wapuo kareyaminyipa randa koo maiyuo kopetame piyami.

1 Korina 3:10

Singinya renge Anatu jiya dokona kamonda anginya yulu pyuo kana porai wara piyunu dokopa akali mendeme dokona anda pilyamo. Dopa pilyamo dokona namwa rangena apa pyuo piru lao kandokondali pyuo pirama ingilyamo.

1 Korina 2:6

Nambame Anatunya pii rolae kulisa Kurisene porai dupwa lamaipunu pilyamo. Dopa pyuo lamaipunu doko isa wambunya singinya rengeme lamai nalyo. Dee akali kamongo koo rapu pyuo karaminyi dupwana singinya renge isa pelyamo doko nakama lamai nalyoko.

APOSELENA YULU 15:32

Dokopa Jutasa Sailasapa Anatunya poropeta akali dolapo pii malu lao waipi lamaiyuo nakama porainyi pyambuyami.

APOSELENA YULU 14:19

Dopa piyaminyipa Juu wambu lapo yuu Andioko yuu Aikoniuma range dupwa dokona epapala yuu range wambu dupwa nembo nembo piyaminyisa nakama kinyi lalyaminyi lao suu pyapala nakama Pole kaname piyami. Pyapala baa kumapapyalyamo lao suu pyapala anda malu palyuo kareya dokona kame netarena ipyuo nyuo nembeyami.

APOSELENA YULU 12:2

Dopa pyuo karo baame Jemesa Jonena yangonge doko wua gela dokome pyao kumakaya.

APOSELENA YULU 11:27

Yuu gii dusipana Anatunya poropeta akali lapo Jerusaleme yaki nyepala Andioko dokona lano epeyami.

APOSELENA YULU 5:40

Dopa leyamo dokopa nakama banya pii soo rape rape lao karo aposele dupwa epena lapala pyaroko pyapala Yesunya kingi doko laa nana lao lamaiyuokondali piyami. Dopa pipala mokoyami.

APOSELENA YULU 1:8

Kapa see naraminyipape Imambu Poo Pyasi nakama keta epo maralyiya kande dokopa porainya renge nyerami. Nyepala nambana yulu dokona lao yuu Jerusaleme dokonape Jutia peparae dupwanape Samaria dupwanape isa yuu pinjingi dupwanape lamaiyakao kapa kapa pirami leya.

Jone 20:21

Yesumi nakama dee kamba lamaiyuo, Mona kyuu lao singinya renge doko nakama keta palena. Rakaneme namba mapanyi peeyamo doko suu pyao nambame nakama pupwa leto leya.

Jone 16:2

Kinyi kinyi langilyu, yuu gii epara ingilyamo dokopa nakama sinakoke anda dupwana neta nembarami. Mendeme nakama pyao kumakapala dokopa Anatunya yulu dokona pipusa pilyamo lao suu pyarami.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

1 Tesalonaika 2:16

Juu wambu dupwame rara wakale dupwa waili pii keyange lamairama doko sepala lete wai pyao nyingi kando nyerami doko kata pyakepelyaminyi. Nakama yulu koo dokore kaeya nalyaminyi dokona andalu ando andapala Anatunya lenge kambu dokona kote pii palamo.

Jeremaya 26:8

Kamongo dokome namba lape lao pii peparae lamaiyunuli pyuo lao otapeyono dokopa aopa role pyapeta pyakaeyapala pii poraiyuo kaeyo lao, Emba doo letene dokona pyao kumakapengele, leyami.

Jeremaya 36:26

See napala baame kiŋinya ikinyingi Jeramelemoo Aserelena ikinyingi Serayamoo role pyapeta dee Apetelena ikinyingi Selemayamoome namba poropeta akali Jeremayapa nambana pepa pyakamingi akali Baruku opetaeko puu maiyuo nyela pena leya, Dopa leyamopape Kamongome nambwa nyuo yalu piya.

Matyu 23:31

Dokona ingyuo nakama Anatunya poropeta akali dupwa langa pyapa piyami dupwana rara karamano lao range polo lamisa pilyamo.